九龙湾车祸｜死者母及女友哭成泪人 「点解现实咁残忍，真系死得好冤枉」
2025-01-06 23:05 
九龙湾宏基街上周五发生（3日）致命车祸，27岁姓黄铁骑士遭警方追截，其间疑有一名休班男海关站在路中心「拦车」，铁骑士闪避不及，连人带车撞柱身亡。死者的母亲及女友今日（6日）接受传媒访问，双双哭成泪人，泣不成声，其中黄母更一度哽咽气促表示：「我心情平伏唔到，好难接受，我凑到佢咁大个，投身社会准备成家立室，点解现实咁残忍，我真系接受唔到，真系死得好冤枉」。
姓黄死者的母亲及女友梁小姐晚上向记者表示，死者洋名叫Ken，其父早年因癌症离世，之后由母亲含辛茹苦凑大，有一个20岁仍在读书的弟弟，他早前于都会大学毕业，主修旅游及酒店，为人孝顺节俭，对家人及朋友都非常好。
相关报道：拦车休班海关涉干预汽车罪被捕保释 警将徵询律政司意见
视对方为灵魂伴侣 「有好多共同话题得我同佢知」
梁小姐指与男友曾在美容公司做行政工作，但工作一段时间后便辞职，之后一直待业。她形容男友为人节俭老实，而且很善良，虽然只是拍拖3年多，但已视对方为灵魂伴侣，「我哋大学时已经识，佢份人好悭，佢系同我一齐先食贵少少，佢同我讲可以每日都食$28叉鸡饭，佢觉得呢个生活唔难受，又可以悭到钱…佢有同我讲过啲梦想，佢话希望发咗达之后，可以帮啲有idea（想法）嘅人，真系好难受，有好多共同话题得我同佢知，我哋仲一齐养咗好多宠物，包括7只唔同品种嘅同鬃狮蜥」。
梁小姐又称男友经常与她提及很喜欢车，获得电单车牌后立即购买一辆电单车，其后在车友介绍下，才购入今次出事的大马力电单车「大R」。她指当时男友购入新电单车时完全不知情，「佢买完之后仲问我只色靓唔靓，嗰阵我仲答咁丑样咁普通嘅！」她更向记者表示，从男朋友的驾驶态度，可以看出其为人，「佢同我讲冬天去游车河揸电单车先舒服，夏天就应该揸私家车喇…平日揸车都让咗人先，佢载我一定唔会揸快车㗎...」。
相关报道：九龙湾夺命车祸 电单车失控自炒 铁骑士当场死亡
案发当日，梁小姐指男朋友相约朋友食饭「游车河」，遂她自行回家，未几便收到噩耗，「我以为讲笑咋，我真系以为讲笑咋，我食咗两啖饭，之后就同妈咪讲，我男朋友好似出咗事，我搭的士嗰刻都以为系讲笑，点知去到现场，佢啲朋友喺晒度好凝重.....」事后她亦有看过拍到事发一刻的车CAM片，坦言「觉得好惨」。
心情一直未能平伏 黄母：我个心就好似跌左落嚟
死者母亲黄太亦向记者表示，自己是单亲妈妈，自丈夫病逝后独力担起照顾两名儿子的重任，以担任保姆的微薄薪金支持一家的开支。她指事发当日她外出工作，至傍晚时分收到长子Ken的朋友来电，「佢朋友话佢唔得喇，断咗气，我个心就好似跌左落嚟，我心情失控啦，搭的士去到现场，我都唔敢去睇好惊....有人同我讲黑车到，问我上唔上去睇，我好惊震晒，唔敢行过去，心情一直平伏唔到呀」。
相关报道：九龙湾车祸‧车Cam｜电单车避警高速逃捕 休班海关「人肉路障」图拦车后失事 海关：全力配合调查
连日来，黄太一直未能接受儿子已经离世，不停垂泪，「我而家乜野都谂唔到，净系知阿仔死得好惨，我真系好难接受呀，佢啱啱读完书出身，就咁样走咗，我呢几日都无瞓过觉，我心情平伏唔到，好难接受，我凑到佢咁大个，投身社会准备成家立室，生儿育女又拍拖，点解现实咁残忍，我真系接受唔到，真系死得好冤枉」。
黄太又指自己手上的金钱不多，目不识丁，只是担任家庭保姆，每个月收入不稳定，原本希望长子出外工作后，可以减轻家庭负担，讵料遭遇突变，一切成泡影，现时连长子的殓葬费都恐成问题，「我有工返就有钱， 无工返就无钱，餐搵餐食餐餐清，本身谂住日后生活靠晒佢，咁我点样过日子呀？」
最新回应