星8卦丨「硬朗」翻身作成功知名度大增 自抬身价同「前辈」平起平坐被飞有道理

好耐冇威嘅「硬朗」因为呢排人气旺，所以觉得可以同「前辈」一样咁有风尽驶𢃇。自从嫁咗做埋阿妈之后，「硬朗」真系静晒，同以前做女嗰阵梗系无得比，佢之前觉得「前辈」捱足一世，男人都冇个，绝对唔系人生赢家，自己好彩叫做圆满啦！

相关阅读：星8卦丨「辣椒」争输大场 赖「经理」办事不力唔出粮

但最近佢见到「前辈」事业再起高峰，开始有啲唔抵得，又好好彩复出之作人气唔错，威番一次。人哋「前辈」收到足，做一个商演要7位数字，「硬朗」其实只系四分一价钱，难得佢呢排 所谓红番啲，都加咗一半价，啲客户谂住有啲新鲜感都算啦。点知「硬朗」非常唔识谂，以为自己同「前辈」一样受重视，要求同对方所有待遇一样，好似妆发就一定系嗰位，收6万人仔呀，结果客户畀咗3万请人帮佢手，「硬朗」坚持话唔得，一定要用返同一个。

相关阅读：星8卦丨「反骨」畀「阿哥」洗脑自抬身价 经济低迷冇人要两头唔到岸

个客见佢咁烦又扮晒嘢，嬲起上嚟话唔驶佢做，仲要请咗位知名度高到冇人唔识嘅「一姐」 价钱高「前辈」一倍，但肯定有生意又对品牌形象有所提升。所以呢排虽然「硬朗」星途好似好咗，但完全搵唔到钱架，连佢自己都估唔到。

相关阅读：星8卦丨「冷脸」对外冷漠超酷 前夫男友相处融洽一家和睦手段高