星8卦丨「辣椒」争输大场 赖「经理」不力唔出粮

「辣椒」近期喺香港蠢蠢欲动，总认为自己可以卷土重来。可惜撼唔低「过江龙」冇得做大场第一个。唔知凭乜嘢「辣椒」觉得自己仲系喺自己出生地好受欢迎，因为佢份人一直好刻薄，亦都对身边嘅人孤寒同奄尖。

相关阅读：星8卦丨「反骨」畀「阿哥」洗脑自抬身价 经济低迷冇人要两头唔到岸

为咗强势回归，「辣椒」请咗位经理，讲到明要佢用尽一切手段帮自己抢到大场。虽然「辣椒」而家嘅火热程度已经不复当年勇，咪又系衰喺性格问题，当初喺节目爆红又被视为实力派， 唔知死咁四围寸人，得罪一条街，至谂住返嚟争做第一个威威。

相关阅读：星8卦丨「冷脸」对外冷漠超酷 前夫男友相处融洽一家和睦手段高

衰极佢都仲可以搵到个百万一场骚，钱佢唔系冇呀，但对「经理」一啲都唔阔绰，仲要将争输咗嘅事实赖落去「经理」度，一个月唔够2万蚊嘅粮一拖就半年，「经理」忍咗头几个月都算，而家直情唔听人电话搞到关系好差。

相关阅读：星8卦丨「大眼」挞著「情圣」最错被「辣婆」夹埋阿太玩谢坐冷板

其实「辣椒」当初巴闭嘅时候，当自己地头死嘅，所以得罪晒全世界，「经理」就算人缘好都帮唔到主子，只系出鸡碎咁多粮都要被拖。其实「辣椒」人品咁差，就算搵一百个人帮佢都唔会有乜起色，想东山再起叫佢死心啦！