余迪伟问准前度先讲：唔系博同情等人媾 开骚公开性生活不协调经历畀人借镜丨独家

余迪伟继2018年《一支弓》后，将于明年1月再举行个人剧场骚《Fabulous Me》，上次成功令他更有信心，今次除继续分享成长经历，就连早前在网台节目公开跟前男友因性生活不协调分手一事，已问准前度开骚时都会再讲。这个骚继续希望做到传承，例如寻找性取向心路历程，让观众作借镜。采访：杜杜　眼镜:@HEALTH CARE OPTICAL@UNSUIKYO

迪伟跟前男友再见亦是朋友，公开经历前亦有跟对方沟通好。

迪伟到旺角花园街拍摄《Fabulous Me》宣传照。

迪伟坐屎塔影宣传照，喻意会将最私密事在骚内分享。

迪伟搵来好友TVB《剪裁魔法师》冠军Kev（姚子裕）设计服装。

 迪伟坦承2018年搞《一支弓》时信心不大，担心观众认为只是牙痛文章，但上次成功后不再担心，今次形式亦跟上次一样，「唔会有休息入去换套衫嗰啲，亦唔会有嘉宾，所有嘢都喺台上发生。」内容就离不开他的成长经历，「始终讲我嘅Life，有啲嘢系唔会变，最大分别系2018年同𠵱家相差6年，呢6年我嘅人生亦都发生咗好多嘢，2018年开骚做第2场时阿妈走咗，2022年阿爸走埋，对我成长影响好大，呢6年我情绪起伏同事业上阻碍亦好多。」

2018年，迪伟举行首个个人剧场骚《一支弓》。

距离上次开骚，迪伟经历了父亲2022年离世。

望观众有所得着

早前迪伟在网上节目《丝打围炉》指跟前男友离离合合，最终因性生活不协调分手，本来太私密没打算公开，「对住死八婆娟姐（练美娟）同唐诗咏就讲咗出嚟，佢哋都话可以唔剪出嚟，但讲咗就算啦，最大考虑系对我ex（前度）有影响，访问未出街我有同佢讲过，佢话『冇所谓你又冇讲我个名』。」由于事件是他最近经历，今次开骚都会涉猎，「睇吓点讲，同埋讲几多罗！我讲出嚟唔系叫大家同情我，𠵱家单身大家媾我啦！我要搵个位讲呢段感情经历，令大家会身同感受，咁先有意思，唔系放上台把鬼咩！」

迪伟在网上节目《丝打围炉》，接受练美娟和唐诗咏访问。

迪伟现在身体状态比上次开骚更好，因迷上打网球。

上次开骚迪伟最希望观众有所得着，今次都不例外，「所谓传承系一定有共鸣，唔系一定要感动或者笑，系余迪伟系点handle失恋、同朋友决裂，亲人离世时点认定嗰啲生命系过客，面对时嘅方法系会令到人借镜，或者帮到人搵到佢嘅方法，正如我寻找性取向嗰部份，一定令到好多怀疑自己性向嘅人，啲𡃁仔𡃁妹一定会学到啲嘢，完骚时有嘢袋到走系好紧要。」

开骚之馀，迪伟仍有主持商台《口水多过浪花》。

迪伟去年签约林盛斌（Bob）旗下经理人公司。