刘江亲身上阵拍追杀戏：好彩跑开步 曾拒接《误判》跟冯皓扬演爷孙丨独家

刘江（刘老师）和冯皓扬（羊羊）在电影《误判》中初次合作，戏中饰演爷孙，但刘老师最初一度拒拍，因自觉近年跑步后变得更醒，同角色唔多似，但最后被甄子丹诚意打动。戏中刘老师有场逃避追杀戏，要跟子丹在停车场丧跑，他笑言好彩有跑步习惯，完全难不到他，又赞早在拍电视时合作过的子丹很照顾他。采访：杜杜 摄影：孔子 发型:Jun@BHC 化妆:Chloe Yu

刘老师和羊羊相处十分十两爷孙，互窒得来又不失温馨。

减产的刘老师坦承要学识放低演员工作，但睇戏时又会忍不谂。

曾夺金像奖最佳男配角的羊羊，不会因而有包袱。

刘老师最初收到演「马伯」邀请时，一度不肯接拍，「我跑步后个look唔同咗，好听啲就系醒啲，呢个角色唔系好啱，电影同电视唔同，电视可以慢慢洗观众脑，但电影唔得，要一行出嚟就要系，演技再好，如果唔系好夹个角色，都系失败。」电影公司跟他多次沟通不果，连他太太也忍不住开声，「佢话『』你拍唔拍都同人讲声啦！』即系要我摊牌。」最终子丹一句「我哋想办法」，全力协调令刘老师安心演出。

「马伯」和「马家杰」两爷孙相依为命。

「马伯」得知孙仔被重判一幕，令人心酸。

「马家杰」借地址给人，却惨被指贩毒。

子丹问刘老师意见

谈到跟羊羊合作，刘老师大赞「乖孙」表现，「对住新人就好似嚿面粉，要帮佢捏吓，但佢埋位好成熟，好多嘢按部就班，我都唔使照顾佢，反而我要做好自己，唔系唔掂呀！哈哈！」羊羊反指是「爷爷」令他更易投入感情演出，「有个刘老师咁好嘅对手喺度，好多嘢唔使去谂，静心望住佢就知想表达咩，唔使再去修饰，好自然就可以做到。」刘老师笑着话，「搞错！你讲到我咁劲，我都冇觉得自己咁劲，你知唔知？其实刘老师系一个花名嚟咋！哈哈！」羊羊反驳，「我哋拍一cut机时，甄生（子丹）都走过嚟问老师意见㗎！哈哈！」

「马伯」探望「马家杰」这场，刘老师和羊羊都好深刻。

羊羊开心有机会跟甄子丹合作，还有不少对手戏。

讲到跟子丹合作，离不开有动作场面，羊羊就大叹未有机会见识，而刘老师却有场跟子丹在停车场逃避追杀戏份，刘老师坦言未拍前完全不担心，「但拍嘅时候我都有啲担心，哈哈！因为真系自己跑，第1次拍后面架车就住我揸，梗系唔似，要再嚟过，我就真系跑到呢，好彩我有跑开步咋，哈哈！不过甄生都有睇住我。」原来刘老师早在80年代已跟子丹合作过，「喺TVB拍过电视电影，𠵱家佢sharp咗，好有主见去handle每场戏，但佢一向都好照顾我。」

戏中刘老师要丧跑避开追杀，但全程有子丹傍住。

戏中刘老师要丧跑避开追杀，但全程有子丹傍住。