姜涛承认自己「肥」定下减磅目标 重提假唱事件：好侮辱 Stanley 193怕被外间解读错误 : 宁愿唔讲

由姜涛、Stanley (邱士缙 )、193（郭嘉骏）合演、改编自大热韩剧《无用的谎言》即将推出，今日（17日）三子到商台接受郑裕玲（Do姐）主持的《口水多个浪花》访问，逾二百名粉丝到场守候，当中姜糖（粉丝昵称） 占最多。三子下午3时15分分两架七人车到达后，全场粉丝疯狂大叫，在进入商台前，他们亦有企定定跟大家挥手打招呼。

姜涛透露歌曲产量少原因

2024即将完结，Do姐问到三子在这一年定下的目标有否达成，姜涛坦言：「年初嘅时候同公司讲咗2024年唔想出太多歌，比自己唞吓，好多关于奖项，音乐有好多压力，所以今年出咗其中一首歌《好得太过分》就系送俾fans，系感谢大家嘅一年，而自己就储咗好多歌喺下年先出。」193就笑言：「2024本身定下目标系想有一首歌有人听，最终系失败咗（咁咪好惨？ ）唔惨，呢个系一个动力下年再做好啲，其他就系想开心，去多啲旅行见识多啲。」

Do姐就问到姜涛开唔开心？姜涛犹豫了一阵子表示：「……开心……（几多个巴仙 ？) 60%，我觉得自入行后，快乐指数的确慢慢有下跌趋势，当然承受嘅嘢越来越多，但经历好多嘢亦都成长咗好多，所以都OK……开心。」Stanley 就表示：「2024年系一个丰富嘅一年，我哋走tour，我自己今年又多咗好多拍摄机会，拍咗两套电影，而家拍紧第三套，拍咗《无用的谎言》，而家又准备拍第二套剧，所以好感恩。」

2025年寄望，姜涛就预告会有几个音乐project，包括有机会出album，以及多首歌曲，以音乐为主；193就表示希望可以同多啲唔同音乐人合作，而且要做好下个月的音乐会。Stanley 就坦言希望一月有份参演的贺岁片票房OK，亦希望可以再拍多啲嘢，以演戏为主。

逾二百名粉丝到场守候，当中姜糖（粉丝昵称） 占最多。

193最先到步。

之后到姜涛、Stanley。

三子分两架七人车到达。

全场粉丝疯狂大叫。

在进入商台前，他们亦有企定定跟大家挥手打招呼。

2024即将完结，Do姐问到三子在这一年定下的目标有否达成?

当中Stanley 就表示2024年系一个丰富嘅一年。

Do姐问2025年寄望，姜涛就预告会有几个音乐project。

节目上，Do姐就大赞姜涛消瘦了一点。

姜涛为减肥订下日程表

节目上，Do姐就大赞姜涛消瘦了一点，姜涛就表示还需努力，更透露减肥亦是下年其中一个目标，会好努力证明俾大家睇开始减肥，而现时的减肥大计是：「强迫自己每日开工前早1.5小时跑步，亦有跟一啲球队早上7至9点去操，打完波去开工，开完工有时间再去打（你可以咁早起身？）为咗打波可以；饮食方面，食得健康啲，其中会食墨西哥菜，墨西哥卷小酱，一日一餐，目标系要减10k。」

提到《无用的谎言》，姜涛花了两个月时间去拍摄，他坦言今次给了自己一个要求，「想尽量谂多啲关于演戏嘅嘢，以往演戏导演讲咩我就会去做，好少自己去思考，今次就会花心思，譬如呢句台词喺唔改变佢嘅结构情况下，改变少少台词系啱自己讲嘅，将佢生活化。」

访问结束后，三子大约4时30分离开。

姜涛与Stanley先行步出商台。

行近粉丝与他们打招呼。

并收下粉丝礼物。

姜涛密密收礼。

姜涛在访问中说《好得太过分》送俾fans，系感谢大家嘅一年。

Stanley 开心今年多咗好多拍摄机会。

Stanley说拍咗两套电影，而家拍紧第三套，拍咗《无用的谎言》，而家又准备拍第二套剧，所以好感恩。

Stanley 就坦言希望一月有份参演的贺岁片票房OK。

Stanley 更希望可以再拍多啲嘢，以演戏为主。

姜涛就说自己储咗好多歌喺下年先出。

不停跟粉丝打招呼。

姜涛亦是不忙跟姜糖挥手。

Stanley被评论吓怕，所以现在宁愿唔会讲咁多。

二人登上七人车离去。

Stanley、193怕讲多错多

Do姐亦提到现今有很多Social Media，网上言论对三子有什么影响？Stanley 表示：「开始唔知边个系自己，讲嘅嘢变得好小心，有时只系开玩笑，但观众take嘅未必系一样，咁就宁愿唔讲」；193就表示：「唔想讲一句嘢都会俾人做咗标题，啱啱入行时讲咩都冇人理你，而家多咗人识，讲咩都可以成为新闻标题，可能系正面嘢，都俾人解读做负面嘢。」

姜涛就有感而发表示：「首先我觉得自己有好多嘢都可以俾位人入，系我自己唔啱，9成人都话我好肥，我认，所以我从来冇反驳过关于呢方面嘅嘢！（你对肥呢样嘢有咩睇法呢？ ）我又好坦荡地觉得佢哋讲得系啱，呢样嘢系入呢行的确预咗，人类系一个视觉性嘅动物，一定有呢方面嘅嘢。（要去返人地认为标准嘅身材？ ）会呀，都冇办法，唔想俾呢啲嘢影响，就要fix返个问题。」

姜涛续指自己好少去反驳太多嘢，「有时真系唔认同，就会冲出嚟讲，但我由出道到而家，经历过嘅嘢都冇后悔过，我觉得系上天比我一个养分去成长。」他又认为作为公众人物，关注度比较高，所以不应该胡乱说话，「我有好多fans都有小朋友，你会知道原来一个公众人物可以影响个下一代，要有一个正面价值观比下一代，我觉得系作为artist责任，所以当见到一啲自己觉得啱嘅嘢一定要讲。」

之后到193步出。

同样去收取粉丝礼物。

跟粉丝挥手打招呼。

193说2024本身定下目标系想有一首歌有人听，可惜最终系失败咗。

193就表示希望可以同多啲唔同音乐人合作，而且要做好下个月的音乐会。

与粉丝互动后就离开。

会否被评论吓怕，宁愿做别人眼中嘅人版？， Stanley就表示：「会，对于人性，我唔觉得佢哋（评论者）会觉得自己有问题，所以辩驳系冇意思，我唔会同佢坳，我宁愿唔会讲咁多。」

姜涛今年10月出席活动演唱《蒙著嘴说爱你》时，被质疑「咪嘴」，当时他就用真身account回覆留言，节目上他重提事件，并表示：「话我哋咩都好，但系唔好话我哋假唱，香港嘅传统就系做artist你唔可以假唱，尤其《蒙》已经唱咗好多次，我唔系假唱嘅时候，你唔会知道呢样嘢对一个artist嘅专业性好受侮辱。唱得好同唔好可以评论，但违反事实言论，系好受伤害，尤其佢（网民）系呼吁心理健康嘅人。我post佢上story，其实有后悔，但希望大家去睇网上每一个言论时，都去了解返成件事嘅真相。」最后，姜涛表示：「虽然我未做到，但要学识同负面嘅嘢去共存。」

访问结束后，三子大约4时30分离开，姜涛与Stanley先行步出商台，并行近粉丝与他们打招呼，并收下礼物，而Stanley则大派心心更与粉丝握手；二人离开后，193亦接著现身，同样与粉丝互动后就离开。