乐基儿否认肌肉男是新欢 提到「现任」甜丝丝 冯允谦出新碟落区自费扫货
2024-12-13 17:15 
乐基儿、冯允谦、云浩影、陈颖欣、卫诗日前出席护肤品圣诞活动。久未香港露面嘅乐基儿表示，配合爱儿假期返港度假，与家人欢度圣诞。早前有报道指乐基儿与「肌肉男」同行，指对方是她的「新欢」，她澄清：「佢系我经理人，因为太耐冇喺香港工作，大家唔记得我身边同事啲样。（想有另一半？）而家小朋友仲细个，同埋做嘢都好忙，焦点未到呢个阶段。」 乐基儿一提到爱儿笑得甜丝丝，笑言不会阻止儿子入行：「因为佢仲细个，仲未识怕丑，但入唔入行就由佢自由发挥，我只想佢做个好人，咁就得啦。」
冯允谦偷咗阿妈嘢？
另外，冯允谦（Jay Fung）说：「旧时我会借妈咪啲护肤品嚟用，但而家佢知我去活动，反而会问我有冇赠品，不过如果冇我都会买畀佢。我刚刚出咗唱片，真系好开心！嚟活动之前我都去咗唱片铺，自己买咗几只，嚟到见到啲Fans已经买咗，真系多谢大家支持！」提到今年颁奖礼有机会「大满贯」，他笑言奖项「唔好谂太多」，同时对自己作品感到满意。而云浩影同样表示专注工作，无时间想恋情。
提到早前吴家忻（Kayan9896）离开「试当真」，陈颖欣为对方送祝福，好表示︰「每个人嘅发展，去到唔同时刻都有唔同方向，我都替佢开心，见到佢做音乐做得好好，希望佢搵到自己锺意嘅嘢去发展。」卫诗为活动献唱圣诞歌曲，她表示现在自组公司发展，或与家姐再合作。
最新回应