曾比特承诺出够30首歌向女友求婚首派国语歌望做乐迷树窿丨独家

2024-12-12 07:00

曾比特（Mike）推出全新国语歌《Talk To Me》，希望歌曲能作为树窿，帮大家解忧，而现实中他也算个好的聆听者，但就不太识安慰人。最近他频频孖歌唱老师女友Cecillia出现，但否认好事近，因目前是两人努力发展事业时间，笑言会加快出歌密度，等出到30首歌才考虑求婚。采访：杜杜摄影：林宾尼化妆:Puffy Tsang 服装:ZARA

Mike坦言未有结婚计划，跟女友有共识先发展好事业。

Mike 继剧集《繁花》翻唱苏芮名曲《再回首》后，今次再演绎国语歌《Talk To Me》，感觉却大不同，「之前系电视剧嘅cover，今次真系属于曾比特内心世界嘅歌，演绎自己作品可以好投入去唱，感觉好唔同。」Mike认为入行以来给人开朗正面感觉，所以希望今次透过歌曲给好的能量大家，「今年都发生咗好多事情，如果都可以有首歌畀大家力量，就系想做呢首歌嘅目的。」

Mike首度推出国语歌《Talk To Me》，望带给乐迷正能量。

Mike首支国语歌是为《繁花》翻唱苏芮的《再回首》。

唔识讲嘢安慰人

Mike希望新歌成为大家树窿，现实中他也算好的聆听者，但就唔叻安慰人，「可能我脑根未系咁快，唔系咁容易分到句说话系好定唔好，仲未学识用好嘅方法去安慰人，都系用歌声畀大家安慰好啲。」而他做得最多树窿就是唱歌学生，「我啲学生都系年轻人居多，青春期烦恼比较多，对于前路、入行做歌手都会问我意见，我会以自己经验同佢哋分析，点样可以做好啲。」

Mike认为教唱歌有教学相长作用，就算几忙都会keep住教。

Mike自参加《声生不息》后，人气不断提升。

讲到近期频频跟拍拖8年、拍档搞歌唱学校的女友Cecillia放闪，他就笑言：「我本身冇偶包，哈哈！我哋又有间歌唱学校，所以呢段时间会同我另一半比较多畀大众讨论嘅机会。」用到另一半来形容，会否代表跟女友好事近呢？Mike就认为仲要再等多阵，「喺我哋呢个阶段真系以事业为主，我演唱会未搞，碟又未出到，搞个演唱会都要30首歌，出够30首歌我就求婚啦！要努力吓先，𠵱家都出唔够10首歌，哈哈！」