邓兆尊爆被祥嫂逼去整容 地点相当诡异难想像 怒轰医生小心报应对方有呢个反应
2024-12-02 12:35 
向来敢言的邓兆尊近年活跃于网上平台，基本上任何话题都可以「搭到嘴」，近日邓兆尊作客吴家乐与梁思浩的YouTube频道《娱乐好好玩》，期间有网民对吴家乐的一对眉毛大感兴趣，问他有否修眉？吴家乐称自己只用眉擦和眉笔修补，接着他反指邓兆尊今次「化行妆」现身。
邓兆尊自爆曾被人要求整容
梁思浩突然问邓兆尊有否被人要整容，邓兆尊说：「有呀，成日叫我执呢样、执嗰样，又叫我打啲乜嘢入去，我梗系唔制，一打入去就出事。」原来这个人是邓兆尊的其中一个女友：「佢成日想搵我去做实验，仲有好多人话搵我代言，不过我唔制。」
相关阅读：邓兆尊爆薛家燕、苑琼丹不和真相还原事件 爆有人「要求拍大头」：两个阿姐说话有少少骨
邓兆尊自爆曾被人要求整容：
梁思浩自爆刚出道因眼细被要求整容
梁思浩自爆刚出道时曾眼细而被要求整容：「佢哋想我只眼大啲，我就去咗搵中环一个整容医生，佢话要喺呢度帮我开一刀、嗰度开一刀，我话开完之后咁我点拍，佢话好快㗎咋，两个月，我话我只眼会变大咗？佢话冇变大，不过变咗双眼皮啫。」梁思浩称当时的人工只得$3,000，但整容手术要$12,000，最后因为没有钱而令双眼皮手术没有成事，碰巧80年代流行日本文化，蒙猪眼忽然成为潮流，梁思浩说：「吕方、林忆莲同我就成为咗蒙眼三人组，又反而畀我哋突然间弹起咗，好彩冇洗嗰$12,000。」
邓兆尊曾祥嫂带去整双眼皮
邓兆尊笑指梁思浩好运，他称在年轻时，试过被妈咪母亲祥嫂（洪金梅）带去整双眼皮，并在在街口做手术，「我系眯埋眼，医生揸住支笔画咗嗰条界出嚟，落刀落到咁样，我话『咁深？』我阿妈话：『画深啲添啦，横掂都俾咗钱，画深啲！』我话：『医生，做人嘅嘢有报应㗎。』，佢话『你放心啦，画落去系咁啫，我识做㗎喇，喺呢度焫一焫得㗎喇，唔觉㗎，到时你肿咗好返都系咁上下。』咁先救咗我一命。」邓兆尊指自己做的是吊线双眼皮，庆幸没有开刀。
相关阅读：邓兆尊自爆被陈彦行反追 获曾励珍做媒人：行姐阿妈流晒口水望住我 追傅明宪被梁姓男星阻止
江美仪爆料亚视女艺人出位事件：
另
梁思浩之后再爆料，指有一位天王巨星，出道早期曾徵询他应否整容，梁思浩说：「就好真心同佢讲，攞把间尺笃佢眼皮入去，顶住，睇吓系咪靓啲，我话『咦，系喎，好似系靓啲喎。』笃咗入去之后佢自己摺咗入去，我哋嗰时冇双眼皮胶纸，我话笃咗入去之后唔好郁，睇吓系咪靓啲，系靓啲喎，佢就畀我咁样笃咗，佢就决定『咁好啦』，我觉得你都要试吓自己啱唔啱双眼皮，佢话佢都帮我笃一次，我话我双眼皮好核突。」
梁思浩指对方割完之后事业飞黄腾达，成为天王、顶流，吴家乐突然唱出黎明的歌曲问他是否讲黎明，但梁思浩就否认：「佢唔唱歌，总言之系拍戏天王，顶流嚟㗎。呢啲嘢真系好睇人，佢割咗之后真系靓好多，但系我就唔系好啱。」吴家乐爆笑地说：「你（梁思浩）出道系卖实力，唔系卖样貌。」邓兆尊即抢着说：「乜嘢系卖实力，佢系卖新闻，佢都唔怕死乱咁讲嘢，我自问都觉得犀利，点知佢仲厉害。」
最新回应