有片｜中年汉搭小巴狂食爆谷遭司机喝止 竟指「你吹得我胀呀」 同车乘客闹爆
2024-11-15 20:04 
车上饮食往往会引起不少争议，有人会批评自私，但亦有人会认为情有可原。今日（15日）网上流传一条长约7分钟的小巴车CAM片，一名中年男子漠视司机多番劝喻，继续我行我素食爆谷，甚至态度嚣张表示：「我想问边个位话唔可以食嘢㗎，你攞出嚟畀我睇？我而家系要食嘢呀！边个位话畀我听唔可以食嘢呀？你吹得我胀呀！」司机忍无可忍下决定停车，而车上乘客更一面倒指骂「爆谷哥」，「公共交通工具系唔食得嘢㗎啦，你识唔识㗎？你要玩嘢呀嘛，大家陪你玩罗！」
片段右下角显示时发日期为周一（11日）傍晚6时31分，当时有多名乘客在港铁沙田站的小巴站上车，其间中年男子坐在小巴最前排的位置不断食爆谷，小巴司机称车上不准饮食，「如果你要食嘢，唔该你落返车呀，我镜头影住你㗎」。初时「爆谷哥」有所收敛，将手上的爆谷收起，但小巴开车大约3分钟后，「爆谷哥」拿出手机东拍西拍，之后更拿出爆谷大块朵颐，令司机非常气愤，要求他下一站落车。
「爆谷哥」随即狡辩称车上没有标示写明「不准饮食」，又要求司机拿出证明，司机立即表示：「要写到明㗎？都无写明要畀钱，你上车又畀钱？」，「爆谷哥」未有理会，更态度嚣张称：「你讲乜嘢呀？我下站一定唔落车，你吹得我胀呀！真系成架车都无写明不准饮食喎司机！我而家系要食嘢呀！边个位话畀我听唔可以食嘢呀？」
司机将小巴停在路中心，并致电公司交代情况，「有个乘客不停食嘢，我叫咗佢好多次佢都系咁食嘢，佢仲话架车无写明唔畀食嘢，而家猛咁喺度嘈，你睇下点样处理喇，我同佢讲咗，佢仲不断食嘢」。「爆谷哥」听到司机向电话另一端交代事件，随即再次出言「挑机」，「边度有镜头呀？食紧嘢呀！你话喺度唔准食我咪唔食罗，咁系边条例先得嫁大哥？你话好似地铁咁写住不准饮食咪不准饮食罗，你而家唔开车，即系畀群众压力我呀？我大把时间呀」。
车上多名乘客见到「爆谷哥」态度恶劣兼「串嘴」，纷纷出言喝斥，「公共交通工具系唔食得嘢㗎啦，你识唔识㗎」、「根据香港法例第374D章，车长有权拒绝任何违反规定嘅」、「你要玩嘢呀嘛，大家陪你玩罗」、「反正唔洗返工，咪陪你玩罗」、「你俾人摆上网系你自己XX咋」。
「爆谷哥」态度一百八十度转变，突然向司机及其他乘客道歉，「你讲得啱，司机大佬，我而家surrender（投降），因为我唔想你摆我上网，我掉咗去咁得未」，随即将爆谷掉入旁边的垃圾筒内，惟被司机喝止，「你唔好掉喺度呀，我个垃圾筒唔系畀你掉垃圾，你嘅垃圾自己带返走，我无义务帮你清理，几惹蚁几惹曱甴呀」。
虽然「爆谷哥」最终将爆谷拾起，但向司机表示自己不满意，「我就唔满意㗎啦，咁点呀？我而家收埋去唔食，掉咗去又唔得，我而家同你say咗sorry啦，你又想点呀」。司机未有再作回应继续开车，每当小巴埋站落客时，「爆谷哥」则向每名乘客「沙冧」道歉，「唔好意思咁多位，我同大家讲声对唔住呀」，片段就此结束。
有关片段引来多名网民纷纷留言，但各人的意见一致均认为「爆谷哥」的行为过份而且「小学鸡」，指小巴司机一早已要求他不准进食，但仍然坚持己见，令人气愤，「香港咁多法例，系咪下下都要写出嚟贴喺当眼处先要遵守？」、「其实公共交通工具上都冇写明不可随处便溺，点解佢唔屙笃屎挑战吓呢？」、「正宗ＸＸ鬼，又要大枝嘢咁小学鸡，又要缩Ｘ仲想攞尾彩」、「人哋一开始已经客气叫你唔好食」、「即刻上网揾同读出法例嗰位阿姐好嘢」、「小巴一向有标明不准饮食」、「市面无大大只字写不可杀人，唔通又可以咩？」、「司机一开始已经同佢讲咗，佢都仲系咁，仲唔忿气特登玩嘢，唔只冇公德心咁简单」。
最新回应