伍富桥专访｜获封「驸马」人气急升 被指「唔忧做」反击副业月入五位数养自己 赞太太IQ、EQ高：恐怖份子都呃唔到佢
2024-11-17 09:00 
【伍富桥／梁兆楹／亿万驸马】在网上搜寻「伍富桥」，首两页都是与他太太梁兆楹（Shirley）有关的新闻，两人关系密不可分，也令伍富桥成为网络红人之一。今年是伍富桥入行十周年，他推出新歌《一剧之本》诉说与太太婚后的经历，两年多以来，两人备受来自四方八面的批评，但他们甚少公开回应，直至上月太太Shirley生日，伍富桥在IG发布搞笑帖文，最后却无故被人恶作剧，将出轨指控说得真的一样。网民常言「黑红也是红」，到底伍富桥如何面对「黑红」？有网民嘲笑他「食软饭」，甚至因被传媒封为「驸马」而人气急升，他如何面对这些看似笑料一则，实质伤人至极的闲言闲语？
伍富桥新歌诉说与太太经历
伍富桥近日推出新歌《一剧之本》，内容讲述他与太太梁兆楹婚后面对外间闲言闲语的心路历程。伍富桥接受《星岛头条》访问时指，这首歌从拣demo到找作词人小克，都是他自己一手一脚做，第一版的歌词满是甜蜜爱意，但与伍富桥所想的有别。他说：「识我嘅人都会知道啲歌词句句到肉，都系有设计过，我仲记得凌晨3点睇到份歌词，即刻录咗10个留言畀小克老师，再讲清楚啲成个故仔……。」最终《一剧之本》的歌词先后改动3次终于合他心水。
伍富桥遭网民狠批：话唔介意系呃你
《一剧之本》歌词中说：「缘份哪可分背景，相恋求尊敬」、「舆论里，数千斤压力，观众不知道是剃刀」，甚至「冷笑讽刺与侮辱加害，这出戏别妄想删改，心里赤贫或富有，裁定往昔将来」，每句都正好道出他与太太相恋后，自己如何面对观众及网民对他们的批评。伍富桥直言，起初很介意这些负评：「老实讲，话唔介意系呃你，都系人嚟，会有感觉。」
相关阅读：伍富桥被屈出轨嬲到爆！斥有人搞事损度假心情：我好无辜，我当下其实想X佢
伍富桥严正否认出轨：
伍富桥视太太为心灵良药：佢会帮我分析
伍富桥太太梁兆楹是一名「学霸」，曾赴英国修读犯罪学，并取得打击有组织犯罪和恐怖主义硕士学位，又曾在香港修读法律硕士课程。伍富桥坦言太太是他的心灵良药：「由我同太太相识，网上宣布拍拖到结婚，舆论一直都冇停过，有影响到我自己心情，但我太太EQ同IQ都好高，佢会同我分析，叫我用另一个方向去谂，我好佩服佢，因为佢系圈外人，唔suppose佢会见报、要面对呢啲问题，但佢快过我去消化整件事，同佢一齐亦令我个人成长咗。」
伍富桥心痛太太被批评：几坚强都有条刺
网民对于伍富桥太太的恶意批评非人人可承受，包括对样貌以至身材等等的指控，他看在眼里每每都心痛太太。他说：「无啦啦畀啲唔识嘅人去抨撃佢，话佢好蠢，对佢评头品足，评论佢嘅外表，我觉得呢样嘢最令我心痛，亦自觉最亏欠佢，我到而家都好自责，佢唔会表现出嚟佢介意啦！但作为一个女性畀人批评外表，一定唔会开心，几坚强都会有条刺。」
欣赏「驸马」黎诺懿用实力证明自己
伍富桥笑言补偿太太的方法，就是证明自己，亦希望能将事业和家庭分开。他感慨自己是当年尚未走红的张继聪，「我睇佢哋以前啲新闻，成日嗌佢谢生，我而家feel到嗰种感觉，所以我好欣赏张继聪，以前《巨星》佢同森美大哥有做过我哋嘅MC（主持），好欣赏佢哋口才、反应非常之劲，佢系食呢行饭。」而圈中多位驸马中，伍富桥好欣赏黎诺懿，「佢当时宣布结婚都受到抨击，佢一直努力工作，到而家自己开节目做监制，系一个值得学习嘅榜样。」
接受「驸马」称呼：软饭王都系咁听啦
伍富桥与太太的家庭背景悬殊，对于升呢做「驸马」，他认为只是多了一个称呼，不认为是贬意，「佢哋畀咩名我都要接受，软饭王都系咁听啦！有乜所谓啫！都系嗰句，棱角都已经磨平咗，佢哋讲咩都冇所谓，其实心里建设咗，因为我唔系第一个咁样畀人讲嘅人，圈中都有三、四个，所以我呢样嘢反而ok罗！把口生喺人哋度，你都控制唔到人哋讲咩。」
被误会唔使做
伍富桥因为太太而成为网络红人，虽然人气急升，但坦言未有因此多了工作，「人气令人错觉我好似唔使做咁，呢个就系我要检讨嘅问题，可能近年冇将重心放喺幕前，其他工作又冇展示畀人哋睇。」其实伍富桥除了幕前工作亦有副业，他与朋友合资在上环开健身室，教学生健身及跳舞，「我教gym、教跳舞，一星期教3至5日，都系恒常有嘢做紧嘅人，奈何我系个公众人物，大家觉得我冇嘢做，因为我冇嘢喺电视、媒体上见到。」
副业月入4至6万够养自己
伍富桥坦言副业月入约4至6万，足够养起自己，对于被指是「软饭王」，他无奈的说：「唔通我个个月拎份粮单畀你睇咩！」问到有否试过「唔掂」要老婆帮忙？他认为，一家人不用分边个帮边个，亦强调没有太太的附属卡，「我希望将来我畀附属卡佢，都系用自己卡，咁唔通我买嘢畀你，就叫帮你咩！大家已经系一家人，唔会讲呢啲嘢！」
「被出轨」的严重性
上月中伍富桥被网上疯传「出轨」引起大众疑问，事实上，他是本着将日常生活在社交网让大家分享，但却引发轩然风波，「怪自己将呢样嘢摆上网，因为我觉得正常逻辑就系，真嘅你唔会摆上网，会收埋，嗰时仲要系我同太太一齐，我咪拎出嚟讲，点知就有记者朋友拎出嚟写，亦都有网民cap咗个标题，就冇内文地散播开。」
伍富桥自言对所谓的「出轨事件」后知后觉，事发后才察觉事件严重性，而且影响到自己和家人，「始终『出轨』呢两个字绝对唔系好嘢，对我嚟讲系一个死罪，再畀人误会，好影响人哋对我嘅睇法，破坏我嘅人格，再加上好影响到屋企人，有啲远房亲戚只系睇新闻标题，佢哋可能『吓！唔系呀嘛！富桥，以前识你明明唔系咁喎！』其实真系有影响，唔系谂住笑吓就算，所以先会有澄清，加埋宣传只歌。」
伍富桥：出轨会诛九族
有留意伍富桥社交平台的话，必然知道伍太个性直率，甚至有一股霸气。被问到结婚两年多的伍富桥，究竟是「唔会出轨」还是「唔敢出轨」？伍富桥思考数秒后一脸严肃的说：「两样都系，因为怕老婆会发达！」（是否担心出轨后冇饭开？）他说：「出轨后果唔系冇饭食咁简单罗！会诛九族，连朋友都会睇唔起你，唔系因出轨会冇咗碗饭而我唔出（轨），而系担心冇咗个老婆！因为我老婆系我灵魂伴侣。」
整个访谈中，每当提到伍太，伍富桥嘴角不自觉向上翘，提到两人闪电拍拖闪电结婚时，他说：「点解我咁有决心咁短时间就确认佢，因为feel到同佢倾偈好似食咗诚实豆沙包，乜嘢都讲晒畀佢听。同佢好似识咗好耐咁，我到呢刻都唔明，呃唔到佢㗎！大佬，佢读反恐㗎！连恐怖份子都呃唔到佢，我点呃呀！你唔知佢chok紧你嘅时候，已经chok咗你，我谂同佢相处过嘅都知佢咩料。」
伍富桥出道背景
伍富桥是一名香港男歌手、主持及演员，现为星梦娱乐旗下歌手及无綫电视经理人合约艺员，2016TVB全球华人新秀歌唱大赛季军。2014年，伍富桥参加《超级巨声4》而签约无綫电视，并正式入行，2015年入读第28期艺员训练班。2016年中签约加盟星梦娱乐，2017年8月正式出道。
摄影：罗安强
记者：Pik Lam
相关阅读：
最新回应