颜米羔认有「火花」刘威煌唔怕有「小器簿」 男团轻松啲小队开骚考验团结丨独家
2024-11-15 08:00 
由《中年好声音2》衍生嘅男团轻松啲(HZD)成员颜米羔、刘威煌、梁浩贤和甘永杰于明晚于麦花臣球场举行《FUNtas4ic》演唱会。刘威煌坦言4人率先开骚会有压力；梁浩贤承认男人喺沟通过程较直肠直肚系会有「火花」；颜米羔坦言有火爆位，但甘甘认为能考验兄弟们默契，今次大家都能顺利过关。 采访：方骞平 摄影：谭志光
8人男团轻松啲由「中二生」刘威煌、谭辉智、颜米羔、梁浩贤、甘永杰、梁思杰、潘文龙及王嘉明组成，可惜因为天时、地利、人和，今次只能以4人小队出击。梁浩贤解释：「其实我哋系自由组合，今次纯粹打头阵。」颜米羔认为大家关系好似家人咁，唔使分，反而会互撑；刘威煌承认唔齐人系有美中不足，但强调8人已整装待发，期望他日能台上合体。不过，仍会要求佢哋入嚟撑场；颜米羔补充：「仲要送埋果篮嚟，入面要有桔，代表大吉大利！」至于甘永杰指，之前4人小组曾做过谭辉智个唱嘉宾，观众对FUNtas4ic的演出反而有期待。
翻旧帐属乸型行为
由于筹备时间唔多，4人都想呈现唔同嘅演出方法，梁浩贤自爆喺沟通过程会火花四溅，凶狠地俾意见：「不过，就算大声啲坚持己见，4兄弟最后都能搞掂，呢个系我哋合作咗成年嘅优点及默契。」威煌自言男人唔会有「小器簿」；颜米羔和应道：「男人有样好，睇结果最重要，亦唔得闲搞咁多情绪嘢，唔会咁婆妈，爆完就放下，翻旧帐只系乸型，冇乜意义，当然一定会记得发生过嘅事，因为修正后要互相提点，但小器又系另一回事。」
另外，刘威煌坦言外间曾有质疑声音，会追问：「4条友仔系咩料呀？喺短时间开骚得唔得㗎？」颜米羔强调：「就算入嚟感受下我哋嘅齐心及团结经已好可贵，值回票价啦。」梁浩贤话，尤其回顾一下这一年轻松啲HZD少少嘅里程碑；甘甘认为系一个重要嘅小总结。刘威煌指：「𠵱家我哋好有默契，4合一做好件事。」
最新回应