港产大熊猫︱喂奶片足本放送！细佬坐唔定 饮奶突然开「勿扰mode」

一对港产大熊猫龙凤胎话咁快已经两个几月大，一众「契爷契妈」日日捕住海洋公园社交平台，想一睹两只小可爱嘅近况，仲连奶爸奶妈都唔「放过」，话要睇多啲一对龙凤胎同佢哋嘅互动。园方今日（4日）就顺应民意，上载咗一条饲养员喂奶片段，主角系「细佬」！

片段所见，奶妈相当细心，喂之前将少许奶汁滴喺手上面检讨温度，奶咀未送到细佬嘴之前，佢都仍然手舞足蹈，似乎想逃离奶妈嘅「魔爪」去玩。不过当奶咀送到细佬嘴边嘅时候，态度180度转变，立即依偎喺奶妈怀里，郁都唔郁乖乖饮奶，园方搞笑咁话「有奶饮就开勿扰Mode」。

网民纷纷留言，大赞「萌到爆表」，亦有人惊讶「大只咗好多」，希望两只「小」熊猫「饮多啲奶，快高长大」。

细佬坐唔定。

奶妈好细心先检查奶嘅温度。

奶咀一摆到嘴边细佬就郁都唔郁。

园方笑称开咗「勿扰mode」。

喂奶片主角系细佬。

相关新闻：大熊猫︱咁多只究竟点分？海洋公园教「熊猫辨认大法」两个身体部位一睇就分到

大熊猫︱龙凤胎温馨时刻「头贴头」 安安可可欢度万圣节 对南瓜态度大不同？

港产大熊猫︱细佬萌照放题！赖床伸懒腰 网民心心眼：可爱到爆

港产大熊猫︱家姐温文尔雅 细佬奶音撒娇 网民跪求萌照出月历

大熊猫︱成年后尾巴会消失？交配期有大用处？即睇熊猫冷知识