陆骏光有阿Gao陈嘉宝力争超爽皮 阿鸡兴奋俾何嘉莉打赞姜涛成熟咗丨独家

陆骏光（嗱喳）、张达伦、陈子丰和邱颂伟（阿鸡）在ViuTV剧《出租大叔》首合作，4人最开心可跟不同靓女交流，嗱喳就最爽，因为GOLLAR的阿Gao（沈贞巧）及陈嘉宝为他争风呷醋。一班「大叔」又公开可「出租」服务，包括凑BB、洗车、做经理人到倾心事，梗有一款啱你。采访：杜杜 摄影：朱伟彦 服装:Harrison Wong(达伦)、ad-lib(子丰)

嗱喳演的二世祖是个诗人，好浪漫。

因性向问题，子丰在剧中要跟索妻张纹嘉分开。

剧中达伦是个小男人，好怕畀人觉得自己食软饭。

阿鸡剧中表面揸的士扮冇钱，实质有几层楼同的士收租。

 嗱喳同达伦在TVB经常合作，4人加埋强尼，一班麻甩佬好快熟络，就算剧集已拍完，加埋Gao及芯駖的群组仍然活跃，不过大部份内容都冇乜养份，子丰说：「呢个年纪唔讲无聊嘢，讲咩？！」当中最热烈讨论必属有人Send出Gao或芯駖靓相，一班大叔就会兴奋讨论，阿鸡即说：「睇吓都得啩！」

剧中嗱喳被好友囡囡Gao暗恋，又跟陈嘉宝有段情。

剧中嗱喳被好友囡囡Gao暗恋，又跟陈嘉宝有段情。

阿鸡开心跟女神何嘉莉合作，做「兵」都享受。

达伦跟芯駖由「出租」关系，到差点挞著。

姜涛搵阿鸡倾心事

4人开心剧中女拍档不乏靓女，子丰就有索妻张纹嘉，而达伦亦跟芯駖有段特殊关系，达伦说：「我同芯駖喺心灵上沟通咗，沟吓沟吓差啲深入咗！」阿鸡就跟多年女神何嘉莉合作最兴奋，几个兄弟起哄大表羡慕，「有佢做对手真系好易代入角色，佢真系靓嘛！佢打我闹我，我都觉得系爽同正，享受嚟！」嗱喳更有陈嘉宝和Gao享尽齐人福，「我有朋友个女喎！后尾佢仲同嘉宝为咗我有冲突，我坐喺度食花生，爽呀！𡃁妹同女神为我争风呷醋喎！都不知几想拍耐啲。」

4个「大叔」近日公开后生相引起话题，变化最少算是嗱喳。(图：子丰)

4个「大叔」近日公开后生相引起话题，变化最少算是嗱喳。（图：达伦）

4个「大叔」近日公开后生相引起话题，变化最少算是嗱喳。（图：嗱喳）

4个「大叔」近日公开后生相引起话题，变化最少算是嗱喳。（图：阿鸡）

讲到出租服务，「大叔」们自认各有所长，阿鸡本职教年轻人做戏，亦擅长做聆听者，曾教MIRROR演戏的他，拍新剧《无用的谎言》时，姜涛也主动搵佢倾偈，「佢对戏剧表演有啲新谂法，就会同我讲『老师想倾吓最近新发现』。」他赞姜涛成熟不少，「佢自信多咗，更加清楚自己要啲乜，见到佢哋12个咁大变化，突然要认老。」囝囝已5岁的子丰就想帮人凑BB，「想凑啲啱啱出世至1岁嘅BB，好锺意嗰种BB味，但又唔想再生多个。」嗱喳近期好锺意搞卫生，可以帮人洗车，「我好享受拖地执屋，觉得好减压，但系人哋间屋就唔方便，洗车应该可以。」达伦从影多年好了解艺人需要，可做经理人，「可以做佢哋3个经理人，我又熟佢哋性格，但强尼就唔做嘞，佢年纪大啲，哈哈！」

阿鸡最擅长同后生仔女沟通，做聆听者一流。

恨生女的子丰，最想帮人凑BB女过足瘾。

嗱喳好锺意做家务减压，洗车都有一手。

达伦好想试做经理人，认为推销人易过帮自己。