E-kids郁礼贤感动落泪：唔会放弃舞台 自资5位数开迷你Show全场爆满丨独家

由郁礼贤（Kasa）、林咏伦（Alan）和阮民安（Tommy）组成的E-kids出道咗22年，经历过起跌及聚散。仍心系舞台的Kasa日前自资5位数在屯门大会堂举行《Mini so》，载歌载舞两小时，除预留20张亲友飞外，280张门票全部沽清，昔日E-kids fans带埋萤光捧呐喊助威，骚后他更意外地多咗几个商演。采访：方骞平

当晚除咗老婆及6岁囡囡撑场外，更获初恋情人及圈中友好黄建东、《中年好声音1》参赛者捧场，大肚的屯门娜娜亦由老公陪同下现身。减咗13磅的Kasa又唱又跳，气氛炽热，当唱郑伊健《我的歌》时更感慨落泪。

Kasa为咗再上舞台，开骚前两周食「郑秀文减肥餐单」减咗13磅。

Kasa唱郑伊健嘅《我的歌》时感慨落泪。

E-kids等咗好耐再上舞台。

Enjoy舞台。

Kasa获E-kids FANS力撑。

Kasa同小妹妹演出。

Kasa唔放弃舞台。

全场座无虚设。

Kasa被歌迷取笑周身肉，叫佢着返件衫。

Kasa跳唱偶像郭富城歌。

载歌载舞冇冷场。

Kasa好感动。

Kasa唱得投入。

 

Fans追随超过20年
Kasa有感而发：「好开心，有咁多人支持自己，有啲支持咗20年，见证咗我同E-kids嘅春夏秋冬。2018年系E-kids最后一次合体演出，之后我哋同香港人一样经历咗好多变化，最后都系各散东西，所以我亦暂时放低咗娱乐事业，专心打理舞蹈中心嘅小生意，不过，唔代表要放弃舞台，喺机缘巧合之下，就启动咗今次嘅音乐会。」

圈中友好黄建东及《中年好声音1》参赛者到场支持。

大肚的屯门娜娜亦由老公陪同下现身睇骚。

黄建东扑入屯门捧老友场。

一班追随了E-kids超过20年的fans撑场。

Kasa嘅大小情人都系座上客。

目前Kasa以教跳舞维生。

今次是Kasa第一次冇公司投资、冇赞助、冇宣传下开Show，纯粹靠自己做制作、剪片、及排舞等：「虽然辛苦，但想做乜就做乜，所以反应好好，埋单计数仲有5位数字利润，算系对自己有交代。」Kasa打算明年再做，年底又会跟Alan在广州开show。至于会否借势重返舞台？他坦言呢行好被动唔系一加一等于二，亦存在好大嘅不安全感：「我唔算系一个成功艺人，对我嚟讲呢行唔易做，试过穷到连电话费都冇钱交要问人借，唔想为追梦要家人养。」

2018年系E-kids最后一次合体演出。

初出道时E-Kids。

E-kids当年获梅姐提携。

郁礼贤和Alan打算年底广州开骚。

两年多前郁礼贤和Alan再合体，改名E-Kai重新出发。