黄子华拍《男亲女爱》与萧亮炒大镬 当场嬲爆掟道具：我有分数
2024-10-20 17:10 
黄子华与许冠文两代笑匠合作的电影《破．地狱》将于11月上映，连日来黄子华努力为电影宣传，日前现身好友郑裕玲的YouTube节目《The Do Show》，两人当年在TVB处境剧《男亲女爱》结缘，难得碰头当然有谈到趣事，黄子华重提与萧亮炒大镬事件。
相关阅读：萧亮传逝世丨萧亮曾被指争出镜获封「老姜摄石人」？ 疑因争位遭导演赶走被封杀
黄子华罕谈与萧亮炒大镬事件：
黄子华和郑裕玲当年合作拍《男亲女爱》创下不少佳绩，当年Do姐与黄子华长达30秒的「世纪之吻」亦掀起全城热话，更加成为经典场面。不过当年亦曾闹出风波，最为人记得是苑琼丹点名「拍剧最难顶嘅人」是萧亮。在节目上，郑裕玲称当时两人合作五个月，曾目睹黄子华发过一次脾气，事件与萧亮有关，黄子华说：「嗰次同萧亮对戏嘅时候，你都喺现场，你见到啲乜嘢？」郑裕玲则说：「我觉得嗰阵唔算系发脾气，不过见到萧亮系一个很有性格嘅人，然之后佢会提议你点样做，喺你个范畴已经好专业，唔需要佢提醒，所以子华嘅所谓发脾气，只不过系当时拎住一叠文件，然后唔系好大力咁丢喺枱面，跟住就话『我有分数』！」传了出去就称黄子华发脾气。
《男亲女爱》经典场面：
黄子华说：「其实真正嘅原因，大家都知道我会改剧本，大家都接受咗，连Do Do姐都接受我改剧本，当我同萧公子（萧亮）有场戏，因为我改剧本好负责任，通常我系会改到我改完呢，人哋系会接到，而唔会系接唔到，当时我就畀萧公子睇，佢就话：『你唔可以改成咁样，改咗唔得喎』我咪话说：「得㗎喇，你照讲喇，讲到㗎。』因为佢系我前辈，又唔可以闹佢，但系唔知可以点解决，所以咪....好嬲呀，唔知点解决。」黄子华续说：「嗰次就系咁，我自己都好忟，嗰次绝对系发咗一个脾气。不过我都好庆幸，我系冇闹佢，只系埋位发自己脾气，我唔知有冇讲过『我有分数』，总之之后埋位就ok。」
其他文章：
破．地狱丨黄子华许冠文破天荒世纪对谈 Michael盼孖子华为香港做返啲嘢 子华透露殡仪馆拍摄零压力
最新回应