翁虹与女儿因更年期关系有变？罕谈与第二任老公有婚前协议 早已立下平安纸
2024-10-19 09:00 
56岁前亚姐冠军翁虹的女儿刘莳（小水晶）刚过了17岁生日，翁虹曾在微博贴了女儿一辑写真相并希望好好享受及珍惜成人礼前的这一年。虽然翁虹以往因工作关系，曾与女儿分隔两地，不过无损二人感情，日前翁虹罕谈与女儿和老公的关系，她笑称踏入青春期的女儿经常与更年期的她对撼，令她感苦恼。
相关阅读：翁虹16岁女有靓样却因一举动被指唔啱做明星？做烹饪KOL似赶收工 网民建议搵妈妈「补习」
翁虹罕谈与女儿和老公的关系：
1989年亚姐冠军翁虹曾经历过两段婚姻，在2005年与赌场副总裁伍伟杰离婚后，在2007年再婚嫁百体健康科技集团总裁刘冠廷，同年诞下女儿刘莳，女儿尽得父母的真传，曾被誉为「最美星二代」。不经不觉，刘莳今年已经17岁，翁虹在微博贴上女儿的靓相并说：「你从一个小小人到今天已经满17岁了！好好享受及珍惜成人礼前的这一年，也做好准备迎接未来的各种美好事物和新的挑战！爸爸妈妈祝愿你保持一颗善良积极、乐观向上的玲珑心。」 女儿亦有转发留言：「天啊！ 时间过得太快了～ 感谢所有爱我的人，感谢爸爸妈妈17年前把我带到这美好的世界！ luv u。」
翁虹罕谈与老公刘冠廷多年的相处
翁虹早前曾接受好友汪曼玲的YouTube节目《快拍‧曼镜头》的访问，翁虹经历完第一次婚姻失败后，虽然一度对爱情的失望对婚姻的恐惧，但直到遇到第二任丈夫刘冠廷后，令她重新解读对婚姻的意义，谈到与老公刘冠廷多年的相处，翁虹说：「我识佢嘅时候，我已经做紧呢一行，我唔系嗰啲结咗婚就放低事业回归家庭嘅人，可能因为我先生喺外国读书，佢会觉得我做咗咁多年，已经有一个成绩，如果我放低晒，佢会觉得自己好自私，所以佢觉得爱我，系应该支持同承传我。如果佢好似第一个咁，就会有第二次离婚。」
翁虹婚前已表明自己不是家庭主妇
翁虹还说婚前已经讲明自己不是家庭主妇：「我都叫佢搞清搞楚，因为有第一次嘅经历，所以第二个一定要讲清讲楚，而家系佢逼我结婚，唔系我赶住要佢娶我，我觉得最好就唔好结。」翁虹坦言满意第二段婚姻：「我觉得系ok，到而家仲撑住，我先生系一个比较聪明嘅人，可能我比较单纯，某程度上唔会将事情谂得太复杂，尽量简单化，再加上佢系做生意，会居安思危，所以某程度上我哋系互补。」
翁虹年轻时美照：
翁虹更说：「虽然佢细我2、3岁，但系佢系一个好成熟嘅人，好多时畀咗好多意见我，我个女好似我先生，都系一个有逻辑嘅人。我同先生系有婚前协议，不过唔系大家想像中嘅财富，而系我哋唔可以随便提出离婚或者分手，同埋如果大家有矛盾同冲突嘅时候，唔可以发脾气出门口，绝对唔可以揸车，直到有咗小朋友，我哋再补充协议，财产点样去分，除咗有个人户口外，仲有个家庭户口，所有关于家庭嘅嘢，大家都要平均分别出钱。」
翁虹透露早已立下平安纸
翁虹续说：「我老公话我哋出差唔可以坐同一架飞机，万一有乜嘢意外，仲有一个人可以照顾个女。如果三个人一齐，咁冇办法，睇个天安排，我哋最怕有乜嘢事，留低个女就唔好。」翁虹亦透露早已立下平安纸：「我觉得呢样系好事，同埋如果大家做咗啲伤害对方嘅事，要罚100万美金，罚完钱先再讲离唔离婚。」
翁虹以往因工作关系，曾与女儿分隔两地，不过无损二人感情，小时候女儿曾经投诉：「个女觉得爸爸比妈咪靠得住，佢细细个试过同爸爸讲，点解人哋有妈咪陪，但系佢冇，可唔可以叫妈咪换份工？我先生就解释畀佢听，因为妈咪系演员，所以要『出面』工作，如果想妈咪开心，就要支持妈咪。」今年17岁的刘莳尽得父母真传，每次出现都抢尽焦点，一家人都是超高颜值一家人，问到翁虹会否给女儿入行，她说：「好多人搵我，有啲人仲叫佢原地出道，我嘅原则系不支持、不鼓励、不反对、不提倡，因为佢系独立个体，我作为妈咪只系会分析畀佢听呢个工作好与坏，爹哋反而要求要先以学业为主。」
翁虹笑言青春叛逆期撞正更年期
不过翁虹笑言母女关系近期出现转变，她说：「青春叛逆期撞正更年期，我老公好惨，夹喺我哋中间，唔知点解，喺呢段时间系好想闹人同打人，好忟憎，阿女踏入青春期，成日都唱反调，呢啲真系报应，因为我同我阿妈都系咁，但其实阿女都系好关心我。」
其他文章：
翁虹超索囡囡做烹饪KOL！16岁教减肥搣脂惹质疑 煮瘦身餐晒刀工竟「冇人关注」？
55岁翁虹公开养生秘方！最重要四件事 网民激赞肤质极好似20出头
最新回应