李幸倪新歌改变唱法 听到歌迷个心揦住 Gin Lee开心表示 : 真系唔好意思。

Gin Lee李幸倪推出新歌《可惜我们没有》，这亦是她今年推出四首歌中唯一的情歌。新歌由第一次合作的Gordon Flanders作曲，填词则找来陈咏谦。歌曲道出每段感情，都需要建立和维系，看似是基本不过的权利与义务，但当二人的关系有先天性缺憾，爱下去自会变成在失衡中角力，义务往往会幻化虚无，到头来发现，连基本权利都从未拥有，一直欠奉。

虽然说是情歌，但曲风跟以往的不同，Gin坦言唱法亦有所改变，以一种全新的唱法演绎，「呢首歌写得好凄美，加上歌词，主要表达分手后一个好软弱、好脆弱，亦都有一种无力感嘅一种状态，所以我就选择咗唔系用力去表达情绪嘅激昂，而系用一个看似冇力，但其实系好伤心，伤心到一个尽头嘅时候，你把声系会震，同埋会有一种无力感喺度，都需要用少少时间去揣摩呢种状态，同《企好》嗰种状态有一啲唔同，自己都想试吓唔同嘅表达。」问到录音难忘事，Gin谓最特别的事就系「特别难」，「今次俾自己一个任务就系唔可以用力去表达情绪，放轻得嚟又要点样去投放好多好多情绪，系难嘅，但系又好开心做到，就系花最多时间去揣摩呢一种嘅无力感。最终出嚟嘅感觉唔系洒狗血，但仍然系可以做到打动人心同埋揦住个感觉。有时最伤心唔系话兜头闹你，而系嗰种想喊但喊唔出，或者系喊晒啲眼泪嗰种极致嘅状态，先系最痛。我当然都有经历过啦，所以先可以唱到呢种感觉嘛。」

新歌由第一次合作的Gordon Flanders作曲，填词则找来陈咏谦。

虽然说是情歌，但曲风跟以往的不同，Gin坦言唱法亦有所改变。

Gin Lee选择咗唔系用力去表达情绪嘅激昂，而系用一个看似冇力，但其实系好伤心，伤心到一个尽头嘅时候，把声系会震。

问到录音难忘事，Gin谓最特别的事就系「特别难」。

新歌推出后，不少歌迷留言「听到个心揦住揦住」。

新歌推出后，不少歌迷留言「听到个心揦住揦住」、「听两个钟喊足两个钟」，Gin笑说自己心情都十分矛盾，「首歌可以Touch到人系好开心嘅，但系又好似令到大家好伤心，有少少好似『咦⋯⋯唔好意思⋯⋯』咁样。」除此之外，亦不少网民表示「Gin式情歌」回归，Gin觉得她的歌无论是失恋、自强等任何题材，总会带点疗愈功效，「我亦都希望当我唱出每一首歌或者俾大家听到嘅时候，都会觉得『无论呢一刻几辛苦几绝望都好，唔好放弃，总有希望，继续行啦。』我觉得我嘅歌曲都会带住呢一种message同感觉，有一个疗愈嘅力量喺度。」