朱咪咪见尽发姣女艺人争上位 入行半世纪庆幸冇男人缘劝同行带眼识人丨独家

本月26日朱咪咪将「登七」，虽自称又奀又唔识交际嘅艺员仔，但能捞到今时今日拥有香港、星马10个物业，过亿身家，超劲。她最自豪25岁时冇知名度，胆粗粗只身来港唱酒廊，更赚到第一桶金及识到老公马坤。入行多年，咪咪姐见尽圈中光怪陆离事，妹妹仔嗲声嗲气勾搭人夫时有发生，「食过夜粥」的她坦言：「见得太多喇…」采访：方骞平

快将「登七」的朱咪咪搵钱多过好多后生仔。

咪咪姐送新加坡名物芝士斑兰蛋卷给黑妹。

连老板康都有蛋糕蛋收。

咪咪姐同Joe Jun、宝佩如、黑妹、黄树棠夫妇合照。

每年金铺晚宴都成为咪咪姐跟友人相聚时。

近年朱咪咪长居新加坡享儿媳福，之前她返港，为深水埗一间老字号金行的酒楼晚宴唱足两晚，咪咪姐以港姐音乐伴随出场，叉住腰的她边行边搞笑地说：「朱咪咪芳龄18，三围38、22、68，坐得好稳…」之后在台上唱《飞跃舞台》、《千个太阳》、《禅院钟声》等，边唱边跟观众互动，大搞气氛，HIGH爆全场。

咪咪姐以港姐姿态现身酒楼Show。

跟台下观众互动。

观众上台送利是。

咪咪姐热爆全场。

咪咪姐主动落台和行动不便老人家合照。

咪咪对ansf来者不拒。

咪咪姐唱得投入。

近年咪咪姐长居新加坡享儿媳福。

老公马生(右)有工作不用咪咪姐养。

疯狂接JOB暴瘦10多磅

迎来70岁的咪咪姐依然大把世界，近月忙到冇停手，做完酒楼Show后再到澳门及美国演出，另外又去佛山跟洪金宝拍电影《功夫少年》，对于被指暴瘦现「树根颈」，她中气十足解画：「成个月忙住做嘢，系瘦咗10几磅，咁跑法蛇到死啦，但我精神、精力好好，夜晚唔食淀粉质系好好嘅，我呢个年纪瘦啲好过痴肥，更何况体重Keep住110多磅，『树根颈』系影相角度问题，相中我个头侧侧哋，条颈点会冇事呀？」

最近和洪金宝拍电影，咪咪姐被指「树根颈」严重。

米雪都嚟探班。

见咪咪姐站在敖嘉年身旁，却没有半点丰腴感觉。

朱咪咪和肥妈最近结伴到美国登台。

月初喺澳门举行的《朱咪咪怀旧金曲音乐会》，请来向海岚做嘉宾。

咪咪姐在澳门开骚。

摆款新人出入成堆助手

咪咪姐唔识Social，人脉唔算多，但工作认真，所以有好多翻头客，故不时买埋礼物到老人院义演：「台上做嘢我绝唔马虎，台下有目共睹嘅，所以多年嚟观众都咁支持我。个天锡我，我锡老人家，𠵱家状态经已心满意足。」咪咪姐坦言只系一个艺员仔，冇资格摆款，单人匹马去美国登台，唔使要求住几千尺酒店总统套房，更笑言，「我怕黑㗎。」讲到排场问题，入行几十年的咪咪即变咪咪姐爆秘密：「大把后生艺人摆款啦，出入要有『皇朝马汉张龙赵虎』，呢班多数系签咗经理人合约，𠵱家唔系要争取知名度签经理人，系要用排场嚟提升地位去接Show，咁各取所需啫，而我从来冇助手，仲可以贴钱做老人院，因为我觉得实力重要过排场。」乐得自由的咪咪姐唔介意在TVB一年只得6个骚：「一个人只要冇要求样样都会顺啲；否则达唔到要求会好唔开心。」

自嘲「艺员仔」的咪咪姐曾同大明星周星驰合作。

演过《逃学威龙3之龙过鸡年》。

2007年拍剧集《铁咀银牙》。

咪咪姐系绿叶之王。

2021年朱咪咪为TVB拍摄《陀枪师姐2021》后就没有再拍剧集。

2022年朱咪咪返TVB拍贺年节目《新春开运王》。

25岁嘅咪咪姐只身来港唱酒廊。

咪咪姐对做过江龙感到自豪。

朱咪咪（左）小时候相当可爱！

朱咪咪在13岁开始已经跟着家姐于新加坡酒廊唱歌。

咪咪姐年青貌美。

朱咪咪会亲自打扫屋企当做运动。

朱咪咪独自住在中间的一层，其香闺的设计亦未见奢华。

客厅空间感好大！

玻璃柜里面全都是金饰，原来是登台时粉丝们送给她的礼物。

得闲亲力亲为洗洗车。

景观一流！

饭厅放了一张大型餐枱，方便一家人齐齐吃饭！

厨房应有尽有，焗炉、雪柜、锌盆及多种煮食工具。

她将一间房改装成录音室！

咪咪姐在新加坡的独立屋好宽敞。

两层半豪宅。

每天会去放狗。

咪咪姐回港入住深水埗平民酒店。

冇男人缘原来行好运

另外，对于55岁郑梓浩被前女友Grace大爆「食软饭」7年，期间又搭上内地「小三」，及被孙耀威人妻妹妹孙美贤包养，咪咪姐说：「情骗呢啲唔分男女老幼，不过，我好好彩由后生都𠵱家都冇乜男人缘，老公以外，喺新加坡只交过1至2个男朋友，婚姻以外嘅都系桃花劫，以我副尊容冇乜人埋嚟，冇烂桃花系福气。」咪咪姐更直言陌生人要埋身攞著数唔容易：「要记住，交友唔好有多一层关系，包括钱及性，借出去啲钱好难收返，我悭悭埋埋，辛苦工作嘅血汗钱系留畀两个仔，老公有嘢做唔使我养。」咪咪姐见过圈中唔少为上位发姣嘅女艺人：「哗！呢啲多的是啦，以前唱夜场见过啲『囡囡』向人夫，挨身挨势嗲声嗲气发功，最后都成功搭上咗，我哋做呢行见得太多，但就算知都唔会理，我有我生活；佢哋有佢哋忙碌；事不关己己不劳心。」

「软饭王」郑梓浩和人妻孙美贤的不伦恋成热话。

咪咪姐当年来港登台时，认识司机老公马生。

马德钟是咪咪姐夫的叔仔。