黄美棋艰苦营运4间餐厅：最紧要出到粮畀员工 甜爆新婚生活几攰都喂饱老公追蛇B丨独家

黄美棋和锺健威（Ray）拍拖8年，今年4月拉埋天窗，做咗锺太的美棋好识冧老公，几攰都会喂饱对方，又主动斟茶递水，获Ray甜爆赞好。讲到乐队sp\'ACE在2019年解散时，Ray跟前队友周吉佩闹不和，他坦认当时确实唔愉快，但已主动联络对方化解积怨。最后美棋主力打理跟朋友合资的4间餐厅，市道有几好大家好清楚，不过美棋话，「冇钱赚，出到粮畀夥计已经好好。」多谢良心老板。采访：杜杜 摄影：朱伟彦 场地:No.5 Studio

35岁美棋和39岁Ray对于生BB抱随缘心态。

35岁美棋和39岁Ray对于生BB抱随缘心态。

35岁美棋和39岁Ray对于生BB抱随缘心态。

35岁美棋和39岁Ray对于生BB抱随缘心态。

35岁美棋和39岁Ray对于生BB抱随缘心态。

锺氏夫妇因拍旅游节目认识，2016年情人节认爱，因为相处太久，两人笑言婚后好少互称老公老婆，不过身份唔同咗，做了锺太的美棋多了份责任，「觉得好攰，都要整嘢食畀佢，之前可能会『喂，你出去买嘢食吖 』，见佢忙做嘢，系时候要斟杯水畀佢，以前会由得佢，哈哈！」对于太太爱的表现，Ray当然好受落，「佢唔会嗌老公，但我哋有养宠物，佢会叫爸爸饮杯水先，我觉得呢个动作好好。」两人婚后财政独立，未有共同户口，家用主要由Ray负责，美棋笑言：「佢嘅钱依然系佢嘅钱，不过有时会将佢啲钱，摆喺我个银行变咗我啲钱。」

美棋跟Ray拍拖8年，今年4月举行婚礼。

不设防生两个就收手

曾传奉子成婚的美棋的确有谂过追龙B，「结婚嗰晚要中先追得到，都系放弃，蛇仔蛇女都得，随缘啦。」Ray亦认同，「美棋都系蛇女嚟，good good㗎！」现在两人不设防，更决定最多生两个，至于仔定女就喜好各异。美棋说：「佢锺意女，我锺意仔。」Ray直言想有个女嗲自己，但生仔一样欢迎，「会将我啲毕生绝学传授畀佢，就系教佢无聊搞鬼百厌嘢。」

Ray在美棋手上夺得「年度星级人气婚礼司仪」大奖。

Ray认为做婚礼司仪，成就别人美事也会感染到幸福。

另外，Ray于婚后4日便夺得「年度星级人气婚礼司仪」大奖，美棋大赞老公仔叻叻，「佢好细心将一对新人嘅嘢编成故仔，再由佢把口讲出嚟，好有心思。」当年无心插柳为朋友做婚礼司仪，结果口碑好，一做就10年，所以Ray开心夺奖获肯定，「试过1年做40几场，1个月都做2、3场。声线磁性啲感性啲，宾客会听得好舒服，有时加啲搞笑嘢会好好气氛。」

早前美棋陪Ray到法国工作兼旅行。

美棋和Ray不时拍网片，近期以新婚主题就主。

疫情求生瞓身搞制作

美棋在TVB多做主持工作，只能自制机会满足演戏瘾，「最近拍饮食片多，有个周围食嘢嘅『美棋B餐』主题，婚后就做多少少新婚夫妇出发嘅搞笑片。」另外，美棋亦会亲自剪片，唔再依赖Ray，「疫情令Ray嘅主持工作停晒，坐喺屋企3个月冇收入。」经朋友介绍，Ray变成斜栋族，做司仪外搞埋制作，主要客户是理工大学及马会，「我负责做导演，写及录埋VO，譬如系大学唔同学系攞嚟招生，或者啲研究攞咗好多奖，将结果拍成Video。」至于美棋在TVB工作不多，主力打理跟朋友合资的4间餐厅，其中一间Ray都有份，她坦承巿道差，搞食肆难赚钱，「𠵱家叫做顶得住，出到粮畀夥计已经好好。」

美棋和Ray跟做建材生意的朋友开设Studio兼陈列室。

年前美棋有份投资的食肆开幕，Ray都有到场支持。

美棋亦有跟朋友投资食肆生意，但巿道差只能打成平手。

与周吉佩已甚少联络

曾是乐队成员，Ray对再做歌手零兴趣，只限玩票性质，「唱吓cover算，我唔系流住唱歌嘅血，阿吉（周吉佩）先系。」讲到周吉佩参加《中年好声音》夺冠，他亦替前队友开心，「恭喜佢㗎！佢应该参加，因为佢系流住唱歌嘅血。」Ray认为sp\'ACE解散令大家各有去路，「行返自己嘅舞台发光发亮。」对于有指他跟周吉佩闹不和，Ray承认两人已甚少联络，「我睇好佢比赛有好成绩，但已经冇联络。」因为自觉结婚大个仔，Ray认为是时候清走沙石，所以婚前有主动联络对方，「边个啱边个唔啱都好，都冇所谓，行出一步去沟通个结已解咗一半，佢都有回返message畀我，后尾各有各忙，都冇再沟通落去。」

乐队sp\'ACE由Ray任主音，周吉佩任队长兼主音。

sp\'ACE鼓手阿火一家移英，Ray和美棋送行。