张敬轩中大讲talk收创意自荐信 同学呻扑唔到澳门演唱会飞 即席清唱报答歌迷
2024-09-27 16:15 
张敬轩日前受邀出席香港中文大学逸夫书院书院聚会 「漫谈粤语流行曲七十年」担任讲座嘉宾，现场一千三百个座位全场爆满。分享期间，轩仔不时发挥其幽默本色，令整个讲座变得生动有趣，同学们听得十分投入。讲座接近尾声时，轩仔透露刚到达中大校园于休息室准备旳时候，被负责讲座的其中一位教授问到他如何入行，一位名叫「Keith Lam」的同学正正作出一个好好的示范，轩仔谓：「去到休息室，我见到有一个好似酒楼婚宴请柬嘅信封，粉红色嘅好香艳嘅，摆喺我枱头，信封写住：『诚邀尊贵嘅张敬轩先生打开，Keith』我打开封信，哗！玫瑰花香嘅信纸，佢话：『你好张敬轩先生，多谢你睇呢封信，我叫Keith Lam，大你三年，今年21岁⋯⋯』你哋知唔知我睇完几gur呀？哈哈。」
信中Keith表示自己很想成为歌手，遂向轩仔毛遂自荐，轩仔坦言十分欣赏他的创意，「睇得出佢系一个好细心嘅人，因为佢做一件事之前谂得好清楚，佢好尊重呢件事同好在乎呢件事，下面有个ps，佢话：『如果担心USB有危险⋯⋯』，你系黑客嚟㗎？『我仲有个QR code去google drive，内容同USB一样，我IG系乜乜乜、电话系乜乜乜⋯⋯ 如果有机会可以透过IG、电话联络到小弟，万分感谢。』我真系觉得净系呢个创意已经足以可以令佢赢咗呢个机会，阵间我助手会嚟拎你个电话，我会打俾你㗎今晚。」讲座结束当晚，有同学于自己的社交平台分享「打电话俾Keith」一事，又好奇轩仔有否「找数」，谁知竟引来轩仔本尊亲自回应，「倾完喇 倾咗差唔多半个钟，佢屋企人应该瞓咗觉，佢把声好鬼鼠」令歌迷及同学惊喜万分。
清唱《隐形游乐场》
讲座接近尾声时亦发生一段小插曲，当轩仔走落台正准备离开时，有同学突然大叫：「好想听你唱番首歌啊，唱番几句啊，我抢唔到澳门演唱会飞啊。」这时全场即时起哄，轩仔亦停下脚步回应：「吓？我哋冇音乐冇盛喎。」全场同学大叫清唱，向来对诉求有求必应的轩仔难敌同学们的热情，说道：「一小段好唔好呀？」全场齐声叫好，随即唱出《隐形游乐场》的一段副歌。
最新回应