74岁薛家燕拍拖如小女生甜Share男友关心短讯 唔否认有「软饭王」埋身:识得避开㗎啦 丨独家

2024-09-20 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      薛家燕唔否认有「软饭王」埋身:识得避开㗎啦 74岁拍拖如小女生甜Share男友关心短讯。
      薛家燕唔否认有「软饭王」埋身:识得避开㗎啦 74岁拍拖如小女生甜Share男友关心短讯。

      中秋佳节,大忙人薛家燕忍痛「飞」起男友A君,留港享受三代同堂家庭乐,虽然唔可以摸到男友,但睇住男友送上关心口讯,一句「唔好令我担心」已经忍唔住甜笑。另外,74岁家燕姐虽然人生阅历丰富,但对拣好男人都有啲保留,坦言真系要靠长时间观察,更坚持做女人要矜贵啲。问到有否遇过「软饭王」埋身攞著数,家燕姐笑得好大声,坦言,「我识得借意避开㗎啦。」咦,冇否认喎。采访:方骞平

      有爱情滋润的家燕姐容光焕发。
      有爱情滋润的家燕姐容光焕发。
      发光家燕姐。
      发光家燕姐。
      家燕面带笑容。
      家燕面带笑容。
      家燕姐连嘴角都带有微笑。
      家燕姐连嘴角都带有微笑。
      开心ing。
      开心ing。
      家燕姐开心Share A君甜到漏短讯。
      家燕姐开心Share A君甜到漏短讯。

      薛家燕、冼靖峰、关枫馨、阮浩棕主持TVB煮食节目《家常便饭争霸战》,家燕姐赞参赛者个个都系厨神,连食物摆盘都好讲究,自愧不如。问到捻手小菜?家燕姐最擅长蒸鱼,仲话蒸到鱼肉好滑唔容易㗎。咪睇家燕姐一把年纪,10几年前跟A君拍拖时都有玩煮饭仔:「咪蒸条鱼煲啖汤佢饮罗,近年佢明白我忙到连饭都冇时间食,仲叫我唔好煮得咁辛苦,出去食算数喇。」

      家燕姐被年轻参赛者的厨艺吓亲。
      家燕姐被年轻参赛者的厨艺吓亲。
      薛家燕、冼靖峰、关枫馨、阮浩棕主持TVB煮食节目《家常便饭争霸战》。
      薛家燕、冼靖峰、关枫馨、阮浩棕主持TVB煮食节目《家常便饭争霸战》。
      家燕姐和三姐、冼靖峰、关枫馨互动。
      家燕姐和三姐、冼靖峰、关枫馨互动。
      麦洁文和细囡陈蔷天(天天)母女档上阵。
      麦洁文和细囡陈蔷天(天天)母女档上阵。
      吴大强及吴伟豪父子档现身。
      吴大强及吴伟豪父子档现身。
      其中一集有李思捷。
      其中一集有李思捷。
      林迪安及《声梦传奇》学员囡囡林沚羿(Venus)系其中一集嘉宾。
      林迪安及《声梦传奇》学员囡囡林沚羿(Venus)系其中一集嘉宾。
      薛家燕大赞冼靖峰、关枫馨。
      薛家燕大赞冼靖峰、关枫馨。

      拒绝男友两次求婚

      家燕姐自爆细她10多年的男友,人到中年好恨结婚:「佢曾提出两次我都Say NO!(系咪失婚经历对男人失去信任?)咁又唔系嘅,睇下佢点对你,好似A君咁10几年喎,佢都好关心我。」语毕,家燕姐忍唔住打开手机,好似初恋咁开心Share男友甜蜜短讯:「呢啲系噚日半夜传畀我嘅,佢话『你好忙喎,返到香港马上工作咁辛苦,你要保重身体,唔好令我担心,亲爱的!』虽然我哋各有各忙,对上一次见面系4个月前只见4日,但都会保持情深对话。」家燕姐补充,两人相处最紧要开心:「我都年纪大啦,74岁仲结嚟做乜?」对于「软饭王」郑梓浩一脚踏3船事件,家燕姐认为男女感情好难讲,始终大家性格唔同,不能保证相爱到永久,但强调做人唔可以冇交带,及唔负责任去hurt到另一半,她感同身受:「就算唔能够一齐生活都要讲得清清楚楚,唔能够拖泥带水;而且讲金唔讲心更加可疑。」

      今年中秋节家燕姐三代同堂庆祝。
      今年中秋节家燕姐三代同堂庆祝。
      一家人围埋食饭。
      一家人围埋食饭。
      饭后陪孙仔玩灯笼。
      饭后陪孙仔玩灯笼。
      男友视角下的家燕姐。
      男友视角下的家燕姐。
      薛家燕隔空传情,家燕姐拍片回应男友。
      薛家燕隔空传情,家燕姐拍片回应男友。
      家燕姐曾为男友下厨。
      家燕姐曾为男友下厨。
      蒸花蟹都好有板有眼。
      蒸花蟹都好有板有眼。
      家燕姐有10几年没有下厨。
      家燕姐有10几年没有下厨。
      1984年薛家燕跟经营饮食业的石保庆结婚。
      1984年薛家燕跟经营饮食业的石保庆结婚。
      「软饭王」郑梓浩偷食孙耀威人妻妹妹孙美贤轰动全城。
      「软饭王」郑梓浩偷食孙耀威人妻妹妹孙美贤轰动全城。
      Brian食住都系被分手女友Grace支付。
      Brian食住都系被分手女友Grace支付。
      「佛山小三」贴钱送车,图为「小三」和郑梓浩大仔。
      「佛山小三」贴钱送车,图为「小三」和郑梓浩大仔。

      避开立心不良男人
      家燕姐做咗大半世人,语重心长教大家如何拣个好男人:「以前个老公(石保庆)为人敦厚都好锡我,估唔到佢都会变心,唯有畀多啲时间观察,睇下佢对你够唔够体贴及关心,好似我咁有大把时间,检视咗A君10几年,确定佢系靠得住,加上佢大把钱唔需要用我啲钱,坦白讲,如果要我补贴佢生活,都唔同级数唔啱我啦…哈…咁又点会追我啫,最后佢又强调要拣好男人都要睇运气。」另外,家燕姐坚持做女人要矜贵啲:「要男人重视自己多啲,咁就会舒服啲。」家燕姐未遇过「进击小三」,问到可有「软饭王」企图埋身攞著数?她大笑说:「昔日拍档陈鸿话佢系我嘅小鲜肉只系搞笑,佢仲搞鬼地讲低酒店房号码,我就大笑回应话『呢啲我永远唔会记得』,不过,如果面对一啲真系立心不良嘅人,我识得借意避开,冇必要畀机会佢。」家燕姐指自己太忙,稍后要到大马开演唱会、灌录贺年歌及到加拿大拍英文剧集,冇必要惹自己烦恼。

      60岁陈鸿曾笑言是家燕姐的「小鲜肉」。
      60岁陈鸿曾笑言是家燕姐的「小鲜肉」。
      家燕姐稍后到大马开骚。
      家燕姐稍后到大马开骚。
      去到边都带埋孙仔同行。
      去到边都带埋孙仔同行。
      去年,家燕姐与大马国宝级歌手茜拉首度合唱的贺年歌大受欢迎。
      去年,家燕姐与大马国宝级歌手茜拉首度合唱的贺年歌大受欢迎。
      两人今年再合作贺年歌。
      两人今年再合作贺年歌。

       

      關鍵字

      最新回应

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策