李幸倪飞身救波撞伤膝头 曾傲棐母校作赛疑「放水」 时隔5年重返校园感觉奇妙

早前，Gin Lee李幸倪及曾傲棐（Arvin）开启「学校巡回运动比赛」，向全港学校挑机大版羽毛球，日前来到第二站，这次二人去到Arvin母校「天水围香岛中学」。

比赛当日Arvin特意比原定的集合时间到达学校，原来是为了争取时间先跟校长及老师们影相兼倾偈，随后一众师弟妹进入礼堂见到Arvin后，亦一拥而上争相合照。受到师生们的欢迎，Arvin坦言十分幸福，「我觉得我系幸运嘅，亦都系幸福嘅。我成日都觉得离开咗一个地方、暂别咗一个社群之后俾人记得系一种福份。尤其好多都系喺我成长路上对我嚟讲好重要嘅老师。我好珍惜呢份缘份，多谢佢哋令到我有种『哎呀你返嚟啦』嘅感觉。」

这次二人去到Arvin母校「天水围香岛中学」。

羽毛球赛制，共三个回合，分别有歌手跟学生对打、亦有歌手队对战学校队，总成绩将计入「龙虎榜」。

巡回比赛完结后，Gin跟Arvin便会到获得最高分的学校唱歌表演。

已毕业五年的Arvin回到母校进行活动，感受特别深。

比赛期间，Gin十分投入，除了因为同学们的热情，Gin笑说怀疑Arvin有「放水」 之嫌。

羽毛球赛制，共三个回合，分别有歌手跟学生对打、亦有歌手队对战学校队，总成绩将计入「龙虎榜」，巡回比赛完结后，Gin跟Arvin便会到获得最高分的学校唱歌表演。比赛期间，Gin十分投入，除了「食波饼」，更飞身救波撞瘀膝头，「而家行路都仲有啲痛。好开心，见到啲同学仔，可以同佢哋一齐互动，佢哋嘅反应又非常之热情，所以我就兴奋得滞，都提咗自己唔好咁搏命㗎啦。」除了因为同学们的热情，Gin笑说怀疑Arvin有「放水」 之嫌，「由于我嘅队友Arvin有可能、怀疑佢想偏帮佢嘅母校，想最后可以返嚟唱歌，所以为咗公平多少少，我就出多少少力咁罗，哈哈。」就连比赛主持刘若宝（Polly）亦，「我咁啱企喺Arvin个位，我睇到个波明明喺佢附近，佢系好轻易就接到，但系佢特登打歪少少，因为平时我见佢打波都好劲，啲波基本上佢都接得晒，但系唯独有几球无啦啦接唔到，仲要俾啲好惊讶嘅反应，可能真系唔觉意放咗少少水。希望Arvin佢会反省吓啦，哈哈。」面对「指控」，Arvin未不否应，笑道：「回乡探亲点都要让少少嘅！但系童叟无欺，我向灯火发誓净系让咗两球，其他都系全力以赴㗎，只不过系技不如人、状态不佳，抱歉各位，呜呜⋯⋯」

Gin Lee笑言队友Arvin有可能、怀疑佢想偏帮佢嘅母校，想最后可以返嚟唱歌，所以为咗公平多少少，就出多少少力。

一众师弟妹进入礼堂见到Arvin后，亦一拥而上争相合照。

主持刘若宝亦是同学的合照对像。

校长及老师们都有和三位影相兼倾偈。

比赛主持刘若宝（Polly）说:「我咁啱企喺Arvin个位，我睇到个波明明喺佢附近，佢系好轻易就接到，但系佢特登打歪少少。

已毕业五年的Arvin回到母校进行活动，感受特别深，「今次我自己行上礼堂，可能因为曾经日日都喺到返学放学。就算隔咗五年返嚟个感觉好似琴日先行完咁，人生真系第一次有呢个咁奇妙嘅感觉。好似乜都变咗好多，但系又乜都冇变。」比赛结束后，Arvin在校园内游走一遍，「因为惊影响到同学上堂，所以范围好有限咁行咗一转学校，仲咁啱撞到自己中学嘅同班同学，有啲系嚟见工，有啲就已经系返番嚟母校做老师，个感觉好奇妙，大家用唔同身份再聚首一堂系有种令人为之动容嘅力量。」