方太90岁生日有新搞作？首开FB Live精灵可爱对答如流 身上一特徵令人感觉窝心
2024-09-15 19:30 
刚刚过了90岁的「方太」方任利莎的「烹饪界始祖阿妈」形象深入民心，从70年代开始在亚视妇女节目主持烹饪环节，到了2000年后，方太逐渐淡出幕前，专心享受退休生活。不过近年方太孻女阿宝为妈妈开设FB，不时贴方太的近照，日前方太更首度开直播，令不少网民大感惊喜。
相关阅读：89岁方太患一病致败血症！入院再染RSV酿肺炎 爱女长文炮轰私立医院拒收症
方太更首度开直播：
事缘日前网民在FB群组留言称教煮餸的方太今年已经90岁：「祝方太 身体健康！长命百二岁。人生就好像妇女节目烹饪环节咁，一早整定！」孻女阿宝在方太的FB群组转发并说：「多谢大家不时记挂方太，咁不如方太试下开live同大家倾吓计，好唔好？」结果昨日（14日）方太首度开live。90岁的方太在镜头前依然很精灵，全程现招牌眯眯笑眼，温暖妈妈感觉非常窝心，在接近一小时live上，方太与网民对谈如流，有网民大赞：「方太仍然好靓！好有福气！」、「细细个几岁就睇你煮野食，直入我脑袋，我而家都锺意煮嘢食。」、「细个成日睇，家政考试都跟方太食谱。」、「方太啲白头髪仲少过我。」甚至有人问：「你会唔会开 live教煮野食呀？」
方太成日话要搵工
其后孻女阿宝亦有留言感谢大家：「因为系第一次，我同方太都无试过，有啲手忙脚乱，下次应该会做得好啲，方太之后都话锺意直播，不过希望你哋多啲交流。嗯，咁我哋下次大家可以问下佢嘢，方太会尽量回覆。噚日直播嘅时候，我提到方太成日搵工，之后有位朋友就同我建议，点解方太唔喺FB专页做啲电商生意，咁咪有工做咯！哈哈，系喔，呢个都不失为一个想法。其实系今年初，我自己都开咗一个卖护肤品嘅网店，我当时嘅想法系，要陪伴照顾方太，我就唔可以成日外出，但又唔想自己太无聊，所以就搵啲小生意做。而家已经运营咗六个月，都算熟手，亦都有生意，所以如果方太要做少少电商生意，我应该都支援得到。大家点睇？」
方太作客《流行都市》？
方太90岁生日最紧要开心
孻女阿宝续说：「我估方太喺网上介绍啲好嘢畀大家，点都好过嗰啲『打电话倾偈』嘅可疑工作，如果你哋都觉得可行，我就去试下进行，好唔好？至于直播，如果一个星期一次，我觉得你哋唔会睇啦，或者一个月一次啦，呢排天气热，我哋都无出去旅行，所以好少拍片。或者等我睇下，平日有啲咩可以拍低畀大家睇。再次多谢大家支持方太，你哋令佢好开心好温暖，多谢大家。」最后孻女阿宝贴了一张方太近照并说：「今年方太生日食咗几次饭，呢个系正日前两日『暖寿』嘅午餐。学得方太话斋，开心就日日都生日，咁希望大家日日都Happy Birthday 啦！。」
其他文章：
89岁方太优雅御寒Look精灵办年货！街头搵伯伯写挥春 六字泄囡囡恨嫁心声？
方太现身《流行都市》大爆当年教煮餸秘闻 曾与安德尊合作称赞后生好乖又照顾人
89岁方太出山教煮餸？激罕作客TVB《流行都市》 网民集气跪求露两手
最新回应