32岁王敏奕感谢曾国祥肯睇TVB剧捧佢场 结婚5年承认自私未想花时间教小朋友丨独家

王敏奕在《法证先锋VI：幸存者的救赎》再演女警「霍宝英」，开心到日本取景，成为拍首个饮食节目的契机。早前曾国祥接受本报专访时，表示跟老婆已有共识不生小朋友，更加不会夫妻档合作，敏奕好认同，强调冇时间尽父母责任不如算嘞，亦认同跟老公各有主见难合作，但笑言：「可能我第时成为炙手可热嘅演员，佢唔用我唔得呢！」采访：杜杜 摄影：朱伟彦 发型:Lupus Chui 化妆:Melody Chiu 场地:The AIR (The ONE)

32岁王敏奕坦认自私仍好享受工作，同曾国祥完全冇生B计划。

32岁王敏奕坦认自私仍好享受工作，同曾国祥完全冇生B计划。

32岁王敏奕坦认自私仍好享受工作，同曾国祥完全冇生B计划。

32岁王敏奕坦认自私仍好享受工作，同曾国祥完全冇生B计划。

王敏奕首次拍续集感觉好新鲜，亦份外紧张，「大家好锺意『霍宝英』，再畀新鲜感人更加难。」她更兴奋心想事成，终成为案件人物，对于观众投诉演出太少，她反而开心，「令到大家咁挂住『霍宝英』，系成功咗。」

剧中「宝英」跟「余Sir」在日本举行婚礼。

敏奕跟黄宗泽继《法证V》后再合作，默契更好。

拍饮食节目最怕变猪

该剧到日本取景，敏奕笑言这安排极佳，更成为她首拍饮食节目《感动味蕾美食餐厅100强—关西篇》的契机，「我喺大阪拍完《法证VI》，监制又喺嗰度做资料搜集，大家识咗食咗餐饭，就系嗰餐饭佢见到我都食得㗎喎！就问我有冇兴趣拍饮食节目？」初时她都觉得好玩，但倾落开始担心，「真系要食㗎喎！就开始惊，除咗1日要食好多餐，我唔系骨感，体质好容易有水肿，要用好多努力先可以得到可以上镜嘅状态，最惊肥到只猪咁点算呢？！」开咗个靓头，她有兴趣再拍饮食节目，但要睇人脚，「同好朋友一齐做会好开心，如同糖妹一齐食嘢，寓工作于娱乐，综艺要真实感先更有感染力，但真系要睇时间，好似今次有1个月空档先做到。」

敏奕首拍饮食节目《感动味蕾美食餐厅100强—关西篇》。

敏奕最想跟好姊妹糖妹拍饮食节目，寓工作于娱乐。

敏奕戏中和现实都在日本结婚，她称一家人都爱到当地，早前家族旅行地点亦是日本，「大家开会投票去边，多数去日本同泰国，始终屋企人唔喺同一个地方，就到就尽量聚吓，好珍惜呢啲机会。」旅行是她叉电方法之一，但她就投诉同曾国祥去旅行会好攰，「我同佢有少少唔同，佢去旅行好chur，我就好hea，要瞓觉再瞓觉，净系叫我食饭就算，哈哈！佢就要搞到好攰，又要去滑雪，一定要好早起身，佢都真系活力充沛嘅，哈哈！」

现实敏奕跟2019年结婚，也在日本举行婚礼。

敏奕指曾国祥去旅行好chur，非常好活力。

凑青春期细佬当凑仔

曾国祥早前接受本报专访时表示，跟各有各忙的敏奕有共识不生育，两夫妻很享受目前状态。敏奕认为不能负起父母责任，不如不生，「真系带个生命嚟，要谂点样教育佢，而教育系好花时间、心机，唔系畀钱就得，暂时我哋仲系自私啲，去享受吓自己生活先。」她又笑言看着16岁的胞弟成长，感受更深，「细个都仲会有啲幻想，有个小朋友会点，但凑大细佬踏入青少年，好可爱嘅小朋友去咗边？！对我哋嚟讲，同有个小朋友冇分别，经常都要处理青少年问题。」细佬是否不再黐她而失望？她就有啲无奈：「都叫黐嘅，但𠵱家青少年又黐又寸咁，窒吓我但又好锡我咁罗！」

敏奕跟曾国祥结婚5年，一直好恩爱。

敏奕跟家人关系密切，凑细16年的细佬（左二）当凑仔。

曾国祥又表明不介意老婆拍亲热戏，敏奕亦力赞老公，「我都觉得佢犀利㗎！大家去问呢啲问题，系好逻辑性、好合理，佢好直白觉得，我系演员嚟嘛！佢做导演如果遇到个女演员又要接呢套戏，明知有场咁嘅戏又唔肯演，咁就好唔专业，接得就要演好个角色。」曾国祥又透露会看另一半作品互相捧场，敏奕称老公此举令她好感动，「睇我嘅作品系sweet嘅，公平啲讲，我嘅剧要投放好多时间去睇，佢嘅睇场首映就睇完，有人愿意花时间睇晒你啲作品，系幸福嘅事，好多谢所有睇我作品嘅人，好感动。」对于曾国祥拒绝夫妻档合作，敏奕认同两人都好有主见，互畀意见已足够，至于未来可有合作空间？她就搞笑话：「可能我第时成为炙手可热嘅演员，佢唔用我唔得呢，哈哈！」

敏奕赞曾国祥犀利，完全接受到她拍亲热戏。

曾国祥肯花时间睇剧支持她，敏奕好感动。