《中年2》郑梓浩同居7年女友踢爆终极贱男长期偷食 揭软饭王真身脚踏三船要食壮阳补品丨独家
2024-09-05 07:00 
凭《中年好声音2》签约TVB的郑梓浩 (Brian，原名郑家驹)原来是终极渣男，刚被分手的女友Grace挺身向《星岛头条》作出「爱的控诉」，表示跟55岁的Brian同居近7年，一直靠她供食供住，花足几百万助男友追歌星梦，但男方依然不断偷食，除已婚「小三」外，还被一位出身演艺世家的半个圈中人「小四」包养，甚至呃女友送壮阳补品医性功能障碍喂「小三」，连Brian大仔都睇唔过眼。伤透心的Grace决定大义灭亲：「我觉得同一个咁嘅人一齐好恐怖！」采访：曾盻坚
相关阅读：《中年好声音》曹敏宝绯闻男友被追数 遭「债主」公开欠债数目梁浩铨坦承：做错咗
即睇郑梓浩同居7年女友踢爆渣男真面目：
90年代出道的郑梓浩曾移居纽西兰，在当地结婚生子，婚姻破裂后于去年回流参加《中年好声音2》，虽然11强止步，但挽回人气，获Fans赞似日本型男大叔，近期主持TVB《邻住买》。Grace是Brian的初恋情人，两人于2017年11月7日重遇，女方重提孽缘都好惊恐：「佢承诺会真心真意同我一齐，话『好后悔前半生媾女无数，玩到婚姻失败，以后都唔会再做咁蠢嘅嘢。』我信以为真，2017年11月13日过咗50万(45万支票及5万现金)畀佢找卡数及交租；咁佢话要返嚟香港做歌手追梦，我就帮佢打造韩星造型、影相、拍片及出Po，又请埋佢父母及两子去旅行，佢两个仔都叫我阿妈，就算未注册，我哋都系一个family。」
郑梓浩佛山收埋「小三」
Grace以为一家人生活好幸福，恶梦却于去年12月底浮现。「同居6年，去年12月尾佢突然话借咗朋友元朗间屋住，会离开呢个家，之后会同纽西兰回来嘅大仔返内地长住，帮大仔医肌肉萎缩 (轻微) 病，当时已怀疑佢外出有女人，但佢唔认，强调冇放弃呢个家，但我坚持唔可以当屋企系酒店，唔畀佢返嚟。」至今年1月1日，Grace在相机内发现Brian跟一名女人的亲密片段，「佢断正先肯承认佛山有『小三』，原来佢每次返佛山做抖音直播，就call『小三』提供性服务，核核突突咁开完抖音就『搞嘢』，𠱁到『小三』畀咗两万蚊佢出车，就连大仔来回纽西兰至香港机票，『小三』都资助咗一万蚊。」Grace透露「小三」知道Brian有『老婆』，佢亦知道「小三」名字，「佢叫Shadow，37岁，同样有老公及子女。」因为被发现偷食断米路，Brian即求复合，日日在Grace屋企附近扮痴汉半个月，最终女方心软原谅他。
郑梓浩「小四」长租炮房
好戏在后头，除了「小三」，原来Brian仲叠住有个猛料「小四」，除已婚及已为人母外更是半个圈中人，但多年来却背住老公做「食家」：「Brian同『小四』搞咗几个月暧昧大玩祼聊后，『小四』就多次主动约炮，去年12月中仲长租炮房畀Brian两父子入住，承诺会畀更好嘅生活佢哋。」但Brian求饶时只认有『小三』，后来Grace接获Brian大仔求救才真相大白，「大仔觉得好羞耻，佢见到爸爸今个礼拜上内地同『小三』瞓，下个礼拜返港同『小四』搞，所以希望『妈妈』救返爸爸返嚟！」最后亦因「小四」唔放水，Brian决定同「小四」划清界线，「佢喺情人节晚返屋企，我又再原谅佢一次，但佢同『小四』有钱银轇轕，「小四」甚至搵埋我追数，承受好大压力。」到5月时，Brian趁Grace欧游时又提出分手：「佢由内地返家擸晒啲名牌衫裤话要走，狠心留言『我已经唔再爱你，请你接受现实…』我仲求佢返嚟；一周后佢又话浪子回头，对住阿仔及佢妈妈面前承诺会同我一生一世，以为系真，点知两日后闹完又走咗3周；7月初又话回头，7月尾返内地开抖音直播跟住失联。」Grace受尽折磨，「呢8个月佢不停拖拖拉拉住我，当个仔冇钱交租就叫我汇钱。上次返嚟仲懒得戚话『使乜理我咁多？男人最紧要识返屋企！』仲话头3年只得我一个女人。」
郑梓浩纵欲过度致性无能
问到Brian系咪性上瘾？Grace觉得男方有偷食心理病：「佢个仔讲咁多年都有，唔偷唔安乐，阿仔仲话去东京旅行，Brian喺隔篱床同『小四』搞嘢，其实可以book多间房，或者唔带啲仔去啫。」Grace仲爆Brian用古惑招呃补品滚女，「Brian话中咗COVID影响到性无能，同我呻『之前媾女作孽太多，可能个天要惩罚佢』，甚至有性功能障碍，唔系想搞就搞到，叫我买啲中药畀佢调理，我戆居居买咗啲鹿尾巴丸，佢收到后带晒返内地食，话需时进补要日日食，后来先知原来系搞『小三』搞唔掂，叫我买嘢畀佢，呢条友黐线同变态，都唔好意思同人讲，系返屋企前『食饱』咗，纵欲过度，导致性功能出障碍啫。佢真系大话连篇，7年感情我放唔低，所以我一直畀机会佢浪子回头，但系原来佢周围沟女嘅性格系唔会改，我今次死心嘞。」
最新回应