巴黎残奥｜屋村仔打到奥运舞台 陈浩源任持旗手感动到喊
2024-08-29 13:10 
巴黎残奥在香港时间周四凌晨举行开幕礼，轮椅羽毛球代表陈浩源及乒乓球女将王婷莛出任持旗手。陈浩源事后在社交媒体发文，表示今次担任持旗手的经历非常重要，自己更加激动得有几晚痛哭，感怀身世。
陈浩源及王婷莛今次出任巴黎残奥香港持旗手现身开幕礼，这位港将事后在社交媒体发文分享心声：「呢幅将系我人生入面其中一幅最珍贵嘅相。我想喺度讲吓，成为持旗手对我嚟讲有几咁重要，亦令我有几兴奋。可能大家唔知，当我知道咗我成为持旗手嘅时候，有几个晚上我都喊咗出嚟。可能系为自己骄傲，亦可能系感怀身世。」
「我出生喺屋邨，名正言顺一个香港嘅屋邨仔。细个家境并唔富裕，到咗大个遇上一场交通意外，成为咗一个残疾人士，我冇谂过自己会点样成功，人生亦好冇自信，但系遇上运动，令我人生有180度改变。」
陈浩源表示，可能好多人会用钱，或者经济角度去衡量运动，但系运动带来的得著，偏偏系钱买唔到：「由一个出身底层嘅屋邨仔，残疾人士，到成为残奥奖牌运动员，今届更加成为持旗手。遇上运动，不单令我身心灵健康，更另外有一个不一样嘅人生，呢个就系运动嘅魔力。」
随着持旗手在开幕礼带领中国香港队进场，正式宣布香港23位残奥运动员今届嘅赛事正式展开。陈浩源希望外界大力支持港将：「不单止留意我哋嘅赛事，更可以留意我哋嘅故事，希望无论场内定系场外，我哋都可以感动你，证明大家知道我哋系值得被支持，值得被尊重。」
港队首日赛程
8月29日(周四)
项目 级别 选手 时间
游泳 女子S14级100米蝶泳初赛 陈睿琳 下午4时35分
硬地滚球 女子混合BC4级分组赛 张沅 晚上6时50分起
硬地滚球 男子混合BC3级分组赛 谢德桦 晚上8时起
硬地滚球 男子混合BC4级分组赛 梁育荣 晚上11时起
羽毛球 男子单打短肢组SH6级 朱文佳 凌晨0时起
游泳 女子S14级100米蝶泳决赛(如晋级) 陈睿琳 凌晨0时42分起
硬地滚球 女子混合BC3级分组赛 何宛淇 凌晨2时30分起
(赛程以大会最后公布为准)
https://olympics.com/en/paris-2024/paralympic-games/schedule/29-august
最新回应