刘伟恒有火力撑朱茵：点解要针住演员年纪 拍家居戏求逼真化淡妆被踩跌晒Watt丨独家

刘伟恒（Benny）执导及编剧的ViuTV剧《反起跑线联盟2》，请到相隔14年再拍港剧的朱茵饰演老师，Benny大赞「冼老师」演出极专业，家居戏为求迫真，52岁的她坚持化淡妆着睡衣演出，但换来外貌被踩，戥对方非常不值。采访：杜杜 摄影：朱伟彦

Benny不排除再拍《反起跑》系列，但肯定难再原班人马。

Benny不排除再拍《反起跑》系列，但肯定难再原班人马。

剧中朱茵识演教学生好严厉的「冼老师」。

Benny搵了同样少见的刘倩怡演「杨飞」妈咪。

Benny表示《反起跑》一班演员感情极好，拍摄时已开了多个群组，之后亦保持联络兼不时聚会，到宣布开新一辑时一呼百应，「真系一个都不能少，唔系好难拍，好似Gigi（梁咏琪）本身冇期，但冇理由话佢离咗婚，佢好好，点都畀几日期我哋拍。」而今次最难度期反而是小演员，「最难度高嘅系喺加拿大嘅『Martin』（植海维），同喺英国嘅『瑶瑶』（张曦晨），佢哋都即刻话飞返嚟，成个暑假畀我哋，好感动㗎！」

Benny感激Gigi尽抽几日时间拍摄。

一班小演员由7月15日拍到8月31日，成个暑假冇晒。

Benny预告「Charles」和「Venus」两家人关系会起变化。

黄贯中拎蛋糕探班

讲到难得请到朱茵演出，Benny大赞对方为角色花尽心思，「佢唔介意演所谓嘅反派，练咗个老师tone出嚟，又唔介意把声嗌到烂晒，用重来冇用过嘅演绎方式呈现畀大家。」他更欣赏朱茵的专业态度，「好多场戏佢都要求唔好化浓妆，譬如喺屋企，佢话化浓妆瞓觉唔可能！同埋佢姨甥女『Julia』（李莉）失踪嗰场，着住睡衣同拖鞋嘅佢落维园搵，坚持唔可能执返好个妆，嗰时维园人来人往。」对于朱茵被网民攻击靓样跌Watt，他大感不值，「话佢个样点，我好唔开心，不如睇吓个演员用咗几多努力去演呢个角色，点解要针住个年纪同样貌呢？！人总有日50、60、70岁，绝不能攞返张闪咭出嚟比较。」

这场维园搵Julia戏份，朱茵坚持淡妆着睡衣拍。

这场维园搵Julia戏份，朱茵坚持淡妆着睡衣拍。

Benny又透露朱茵有带囡囡黄莺探班，仲目睹后者首见妈咪拍戏的画面，「莺莺坐我隔篱，佢眼神好仰慕镜头入面个妈咪，觉得妈咪好厉害，呢个画面真系好深刻。」他又爆朱茵老公黄贯中（Paul）亦有来探班，仲引起一阵哄动，「我系Beyond铁粉，有日我哋拍到好攰，有个暖男突然攞住好多蛋糕嚟探班，原来系阿Paul，全场crew癫咗，个个走去集邮，佢哋呢家人关系好好，见面仲会又揽又锡。」

朱茵及12岁囡囡黄莺。

朱茵跟黄贯中结婚12年一直恩爱。