同居少女诸事卜丨kayan9896初相识即「上床」 林德信冇同太太备案称有初恋感觉
2024-08-21 16:12 
正于「黄Viu煲剧平台」热播的Viu Original本地原创剧《同居少女诸事卜》，由多位青春偶像：云浩影（Cloud）、吴家忻（kayan9896）、苏皓儿（Chloe）、郭嘉骏（193）、何启华（阿Dee）及林德信主演，故事以占卜为题材，讲述三位不同个性的女生，于同一屋檐下的生活点滴，一边寻找爱情真谛，一边探索人生，当中kayan9896与「暖爸」林德信（Alex）首次合作已有亲热镜头，镜头前火辣辣，但镜头后却异口同声大表尴尬。
相关阅读：同居少女诸事卜丨苏皓儿难顶陆骏光肉麻追求 择偶不介意年龄 反而最怕一件事
《同居少女诸事卜》林德信吴家忻床戏好尴尬？
kayan9896与林德信首度合作，在剧中为邻居关系，其中角色崇尚开放式关系的kayan9896，更不时「偷𥄫」健身型男林德信，闹出不少笑话；二人在剧中还有一幕亲热「床戏」，拍摄过程虽然顺利，但他们却表示尴尬，kayan9896指：「亲热镜头唔算好亲密，有好多镜头都用咗啲有趣方式交代，不过都有怕丑，因为我冇乜拍过爱情戏，其实太激情嘅戏份，现阶段嘅我未接受到。」问到kayan9896拍摄亲热戏事前有否跟林德信交流一下？她笑说：「冇，唔敢太多交流，最好唔好咁熟，咁就冇咁尴尬。」
林德信首次合作即演床戏
林德信表示之前曾睇过kayan9896开骚，不过合作拍剧还是第一次，大赞对方演技不俗，他谓：「同佢拍亲密戏都会尴尬，始终都系啱啱识，冇排过，一嚟就拍，但可能呢个安排系好嘅，因为要有一种初恋感觉，个心卜卜跳、带有少少尴尬咁，希望真嘅尴尬，观众见得到。（有冇同老婆备案？）冇，一路做任何嘢都冇讲，唔需要申请。」林德信在剧中是一位「暖男」，不过现实生活中，他自评不属「暖男」：「我应该唔属于！可能我唔系一啲识表达情感嘅人，我会执屋嘅，有时会煮饭，不过我可以一星期食同一个餸，冇惊喜，我锺意煎牛扒，可以晚晚煎，对方可能会觉得闷。」
kayan9896现实中爱𥄫女
kayan9896在剧中喜欢𥄫仔，但现实中的她自言喜欢𥄫女：「我锺意𥄫靓女，可能想自己成为心中女仔模样，所以见到正嘅女仔，一定会望。（会留意边个部位？）身材、穿搭，唔一定要超级靓，锺意有佢哋嘅特色、自信同吸引到我。」其实继《#她和她的恋爱小动作》后，kayan9896再度参演Viu Original原创剧，她笑说今次跟上次一样，衣着上比较清爽：「今次同上一套好相似，好多屋企戏，所以好多时都着睡衣、小背心，好彩咁啱呢排努力健身，所以还好。」
其他文章：
同居少女诸事卜丨阿Dee否认餐厅找人顶手:搞紧租约续租 193咖啡店搬铺生意更好 云浩影惨遭嫌弃因太靓唱歌又好听
最新回应