邱士缙与Team Stanley一同庆生 被追问婚期:出年都未住 入行想有契妈开心终于如愿

明天8月20日（星期二）生日的邱士缙Stanley，于昨日出席由fans club筹办的《Stanleyholic》生日活动，与200名幸运Team Stanley（TS）提早庆生，向来擅长搞气氛的Stanley全程有求必应，令现场笑声不断。

Stanley对上一次跟TS聚会，已经是五年前刚出道之时，但昨日Stanley见到一众TS，即回想起当日点滴，更说：「仲记得第一次喺观塘搞，scale冇咁大，睇见而家开始愈来愈壮大，愈来愈多人，自己就愈感动，亦都多谢admin一直以嚟嘅陪伴同努力，佢哋嘅用心系冇白费。」被问到今年的生日目标，Stanley即道：「我一直都想做好每一件事，因为每个机会都好难得，大家喜欢我，好多时都系因为我啲戏剧作品或者歌曲作品，希望可以做好每一件作品去报答大家。」席间Stanley更率先披露即将问世的歌影视工作项目，分享道：「最近拍紧剧，应该好快出街过程都好玩，亦都系一个新尝试，到时都有首歌唱下，之前听过demo都觉得几感动，而且班底亦系好喜欢嘅，至于有冇机会唱live俾大家听就唔知喇！另外亦拍紧电影，不过暂时唔可以透露住，迟啲大家就知道。」对于Stanley的每一个作品，TS当然都会瞓身支持，同时亦希望得到外间的认同，所以当被问到假如有日Stanley得到演员奖项，他会怎样跟一众喜爱他的TS庆祝呢？Stanley即认真回答，道：「咁又搞返个好似而家咁嘅庆功宴啦！我摆个奖喺度，大家可以到时一齐拎嚟影相，到时摆中式，要有龙、凤背景嘅茶楼做布景。」

Stanley对上一次跟TS聚会，已经是五年前刚出道之时

Stanley诚心许愿。

Stanley见到一众TS，即回想起当日点滴。

与200名幸运Team Stanley（TS）提早庆生。

有TS画了Stanley过去演出过的角色，Stanley看到也十分喜欢。

被问到今年的生日目标，Stanley即道：「我一直都想做好每一件事，因为每个机会都好难得。」

席间Stanley更率先披露即将问世的歌影视工作项目。

在切过蛋糕庆祝过后，Stanley就与一众TS大玩互动游戏，过程中更自爆冲凉时先洗身，并即时真人示范，令到TS陷入失控尖叫状态。随后去到Q&A环节，TS亦提出了不少尖锐问题。第1位fans问Stanley何时与女友李炘颐Alina拉埋天窗，Stanley听到即说：「一嚟就咁尖锐，我谂过多一阵，出年都未住，但我哋两个都系向住呢个目标进发嘅，都多谢大家祝福我。」第2位婆婆TS则要求Stanley做她的契仔，Stanley闻言即兴奋道：「我有契妈喇！发达喇！我入行咁耐就系想有契妈！」至于第3位TS则希望Stanley欣赏她的画作，原来她画了Stanley过去演出过的角色，Stanley看到也十分喜欢，更为她的画册签署留念，这位TS达成心愿也喜极而泣呢！

Stanley送上小礼物给TS，对他们的要求更是有求必应。

献唱新歌〈Drunk in Love〉，期间他更走到台下与一众TS握手。

问Stanley何时与女友李炘颐Alina拉埋天窗，Stanley听到即说：「一嚟就咁尖锐，我谂过多一阵。」

Stanley十分喜欢这个生日蛋糕。

Stanley深情地向TS告白，道：「我好开心拥有你哋支持我。」

每一次听所又说听到有人讲TS都系好乖好有礼貌，呢个系佢非常开心同proud嘅一件事。

Stanley好开心每一次听到所有嘅comment都系好positive，所以真系好多谢大家。

Stanley希望TS同时继续支持他之馀，同时继续爱身边嘅人。

互动过后，Stanley也向一众TS回礼，献唱新歌〈Drunk in Love〉，期间他更走到台下与一众TS握手，掀起了整个活动的高潮。去到活动的尾声，Stanley深情地向TS告白，道：「我好开心拥有你哋支持我之外，每一次听所有人讲TS都系好乖好有礼貌，呢个系我非常开心同proud嘅一件事，证明大家创造咗一个有爱、互相帮助嘅vibe。好多时我会自己心里面谂，你哋出嚟应援，如果系令到你哋好辛苦要日晒雨淋，又或者系好困难嘅，我就会觉得不如算啦，宁愿嗰个moment冇你哋支持，心里支持就够，所以我好开心在于每一次听到所有嘅comment都系好positive，所以真系好多谢大家，因为我哋系一体，你哋某程度上代表咗我，我某程度上又代表咗大家，所以好多谢大家咁有爱，大家继续将我嘅理念：散播欢乐散播爱俾大家，同时继续支持我，同时继续爱身边嘅人。」在Stanley的深情剖白后，《Stanleyholic》生日活动也就圆满结束。