专栏│枪手迎狼拳来脚往 「半大」放心买
2024-08-17 07:00 
上季阿仙奴带畀球迷唔少惊喜，除咗喺地面进攻，上季死球入球更加冠绝全英超。刚刚勇夺酋奖杯嘅兵工厂，其中两球正正凭藉两位中坚加比尔马加希斯同威廉沙列巴接应角球顶入，为球队奠定胜局，展望今场都会有不同嘅进攻板斧，为球队制造入球。
洛迪高高美斯助攻了得
狼队今季继续由加利奥尼尔执教，上季表现尚算满意，曾经主场击败劲旅曼城，故球会亦同呢位教练续约至2028年；球员方面，由葡超转投狼队嘅小将，21岁翼锋球员洛迪高高美斯亦不容忽视，上季助艾斯杜尼攻入7球，制造7次助攻，作为边翼嘅佢经常杀入禁区射波，或会令狼队整体进攻实力大大提升。佩芝
關鍵字
最新回应