巴黎奥运丨李慧诗隔空勉励李思颖「冇对唔住任何人」 网民睇完访问片因一件事感不满？
2024-08-12 17:00 
巴黎奥运闭幕礼已经于香港时间今日（12日）凌晨3时完满落幕，香港「小女车神」李思颖在周日（11日）压轴出场，最终以总分26分，排第20名完成赛事。赛后李思颖接受访问为自己表现差一度泣不成声，身为师姐的「牛下女车神」李慧诗为HOY TV担任巴黎奥运节目主持时，亦隔空为师妹打气，还有网民看完李思颖的访问后，为一件事感不满。
相关阅读：巴黎奥运丨前体操皇后刘璇解答体操选手用蓝色眼影玄机 神还原23年前夺金妆容撞样张栢芝
李慧诗隔空为师妹李思颖打气：
「牛下女车神」李慧诗在节目上听完李思颖的访问后，李慧诗说：「我谂个表现系冇发挥出嚟，但系话佢踩得好唔好，相信要之后再做一个总结，先会知道。」李慧诗还表示李思颖在近4年才冒起：「好多人都话佢接我班，我觉得畀得太大压力佢，我每次同佢通电话，都会同佢讲呢个比赛系去享受，好似日本嘅梶原悠未，佢喺上届东京奥运夺得银牌，但系今届都系排第17名，做运动员就系咁，如果输咗嘅话，总结完发现自己唔知做紧啲乜喎，下一届4年之后咪可再继续。」李慧诗隔空安慰师妹：「你输咗系冇对唔住任何人，我亦都好开心可以见到你喺场上面，目标已经达到咗一半，希望喺后嗰4年都可以克服到。」
陈欣欣误将李思颖讲成李慧诗
在节目上亦发生小插曲，同场另一主持陈欣欣交代李思颖的暂时战绩时，竟然将李思颖讲成李慧诗，不过陈欣欣全程未有发再现，李慧诗开玩笑说：「欣欣，你系咪好想我去参赛啫？」陈欣欣才发现自己讲错：「吓？我又讲错咗李慧诗呀？死喇，讲错几次都唔知添！」听到陈欣欣即时更正重报李思颖的战绩，李慧诗笑说：「收货！」
网民看完李思颖访问后感不满
不过反而有网民看完李思颖的访问后感不满，原来有人觉得：「李思颖话自己表现好差，记者仲要问： 系边方面好差？结果李思颖立即爆喊。」随即引来不少网民留言，有人说：「李慧诗都叫啲记者可唔可等佢平静左先做访问，因为条片会跟佢一世。」」、「见到佢喊成咁，好心酸， 攞到奥运入场券，背后一定已经经历好艰苦嘅训练。去到现场佢尽晒力，但攞唔到预期嘅成绩，自己失望之馀，仲觉得愧对背后一直帮佢嘅团队，嗰种内疚感一下子爆发出嚟，对住镜头都喊到收唔声，好惨， 希望佢好快收拾心情，为下一个目标再奋斗！」不过亦有人觉得：「记者嘅工作系喺有限嘅时间内蒐集最多嘅资料同内容，选手有教练、队友同亲朋好友安慰，我唔明点解啲人话记者唔专业。」、「咁正路都要问下佢觉得自己边部分做得唔好既。」今日「小女车神」于网上留言称，「多谢大家嘅支持同鼓励，我已经平复好心情，准备好未来继续努力，多谢大家关心」。
其他文章，：
巴黎奥运丨李丽珊为「跳马王子」石伟雄发声！ 肺腑之言获网民激赞：唔会讲废话
最新回应