31岁许靖韵被旧爱精神虐待 死过翻生 遇恐怖情人搞到大学毕唔到业丨独家

31岁许靖韵（Angela）早前推出新歌《被吃掉的灵魂》，讲爱上一个人之后如着魔般行尸走肉，她唱得份外投入，皆因10年前读大学时曾有类似经历，拍拖拍到成日喊，更为恐怖旧爱搞到众叛亲离，性格突变，甚至有自毁倾向。因为受过「重创」学精咗，Angela学识爱自己多啲，以后就算拍拖都唔会再「沉船」。 采访：杜杜 摄影：林宾尼 场地：Marco Polo\'s Prince Hotel SAVVY

单身的Angela，完全唔心急拍拖，专心事业。

单身的Angela，完全唔心急拍拖，专心事业。

Angela讲起痛苦拍拖经历已变得轻松，证明已完全复原。

Angela以往喜恶是0到100没中间位，现在要学识搵到50。

Angela以往喜恶是0到100没中间位，现在要学识搵到50。

新歌《被吃掉》跟2017年《被讨厌的勇气》同样出自林若宁手笔，但内容完全相反，「收到歌词都几惊喜，个名写住《Did walking dead》，系极度负面同绝望，几乎放弃状态，之前都有好多惨情歌，但咁绝望都系第1次，首歌好似𠵱家成日讲嘅口头禅『真系好想死』，一个人失恋或俾工作折磨到好似被吃掉灵魂。」

Angela认为「着魔之恋」对演戏有帮助，「如果未感受过，唔明啲人情绪点解去到咁夸张。」

MV中，Angela演绎行尸走肉状态零难度。

家人朋友反对都唔理

Angela演绎新歌完全冇难度，因10年前已入行的她曾经历严重情伤，「『小背心』前1、2年，经历咗1段被吃掉的灵魂，所有嘢都好差，首先我读紧BU（浸会大学），成绩差到毕唔到业，好大原因系感情状况太差，个个都叫我分手，叫我唔好再咁落去！行尸走肉状态，咩都唔想做，书都冇心机读，总之情绪影响得好紧要。」她形容当时好似着了魔，「嗰时19、20岁，觉得拍拖好痛苦，成日都喊，我唔知佢渣唔渣，但个个朋友都觉得佢对我唔好罗！连好朋友都叫我唔好一齐，我都冇听，唔知自己做乜，好奇怪，最尾嗰年连朋友都唔见，屋企人又好少见，就算家人反对都要继续一齐，有种众叛亲离感觉。」

Angela跟旧爱分手后，最终在浸大顺利毕业。

Angela为旧爱，搞到争啲冇哂朋友。

身边人齐声反对，全因Angela跟男方经常闹交，「佢好似女仔咁，每次闹交都系我𠱁佢，我系要叫佢唔好嬲啦！朋友会觉得你做咩事呀？！好似𠵱家成日讲PUA（Pick-Up Artist），我系精神虐待紧自己，唔知对方释放咗咩，令我觉得净系可以同佢一齐，冇咗灵魂，连我细妹都话嗰时唔想同我讲嘢。」情况最差时，她曾经有轻生念头，「觉得所有嘢都唔好，朋友唔想理我，冇晒朋友，痛苦1年纠缠1年，total 2年。」

Angela本来跟家人关系很好，为旧爱差点反面。

Angela行尸走肉的日子，连妹妹都不想睬她。

学识爱自己拒再「沉船」

问到前度是否条件很好才令她着迷？Angela搞笑说：「屋企人都有咁嘅疑问，哈哈！」她称男方除了靓仔，还很有才华，「佢大我几年，都系识音乐，开头所有嘢都觉得美好，所以一去到唔美好，就觉得好大反差，接受唔到，会谂好多嘢。」捱了2年，有日她突然醒觉决定分手，「有晚朋友问我出唔出去跑步？我话好喎！想出去做运动，想见返啲朋友，嗰晚好开心，就好决绝斩缆，咁耐以嚟都系我去求佢一齐，嗰时一决定，要断就断咗。」她回想亦觉得当时的自己很陌生，「同我性格完全唔同，系另一个人，真系冇咗自己。」之后她还写歌《事与愿违》记录这次经历。

朋友邀Angela跑步，令她觉悟狠狠踢走恐怖旧爱。

Angela写了歌曲《事与愿违》记录这次经历。

Angela自揭痛苦疮疤，用心良苦，「可能好多人经历过或经历紧，希望首歌话畀佢哋听，可以走出嚟。」飞甩恐怖情人后，她再拍拖也学识爱自己多啲。2018年，她跟《全民造星》的「表弟」容颖贤拍拖，因长期分隔两地于2021年分手，非常理性。「曾经试过好痛苦，唔会再咁，当然会有热恋期，但唔会为咗佢影响跟身边人关系，放弃所有嘢。我锺意风平浪静，我好多嘢要处理，如果仲要处理埋感情，不如唔好拍拖，哈哈！」

容颖贤先后参加过《全民造星》和《全民造星II》。

容颖贤先后参加过《全民造星》和《全民造星II》。