JNYBeatz兴奋6岁囝囝识Rap又识弹琴 20出头做老窦为养家疯狂教学生搵钱丨独家

31岁的JNYBeatz（杨骏）接受网台主持人床哥（陈钰麟 ）访问，发觉两人都好后生就做老窦，又试过沉迷打机，就合作推出歌曲《毒男爸爸》，MV搵埋两人仔女客串。讲到24岁就有下一代，JNY坦言为养家要疯狂教学生搵钱。采访：杜杜

JNY细个学钢琴，之后又学埋打鼓和结他，教学生搵钱都多几瓣。

JNY感激太太支持他做音乐，「佢话欣赏我有才华。」

《毒男爸爸》源于JNY接受床哥访问，「讲起大家都系同年，又系好后生做老窦，我24岁，佢22岁，大家原本又系好毒咁沉迷打机。」两人感同身受，于是就有齐写歌念头，「分享由做毒男去到结婚做爸爸嘅经历，原来做咗爸爸谂法会唔同，有份责任心。」两人拍MV最开心重现毒男日子，又可同子女留个纪念，「我哋喺网吧拍，有1粒钟畀我哋打机，又加咗我哋凑小朋友嘅片落去，好有纪念价值。」

新歌分享JNY跟床哥由毒男变老窦经历。

新歌分享JNY跟床哥由毒男变老窦经历。

JNY好耐冇打机，开心拍MV在网吧取景。

仔女遗传音乐天份

讲起跟从事设计工作的太太结婚，JNY本计划待30岁后经济稳定才生BB，所以大仔突然出现令他不知所措，「本来同屋企人住，但生小朋友搬出去住，嗰时1个月搵几千蚊，都真系几惊㗎！」不用工作便打机的他，变得积极搵奶粉钱担起头家，「喺音乐中心教学生，最癫试过1星期做足7日，每日8个钟，又会私人教学生同帮人写歌，有时连婚礼琴手都捞埋，好彩全部同音乐有关，但系自己写歌嘅精神同时间就冇晒。」

JNY一对仔女和床哥的8岁囡囡都有份客串MV。

JNY亲子活动就是玩音乐。

JNY去年成立音乐学校，亲自教授音乐制作。

JNY有教6岁囝囝Jairuz和3岁囡囡Jayla弹琴和结他，全因仔女有兴趣学，「我细个学琴到考5级，好密咁练都会好辛苦，我想佢哋开心咁玩音乐。」最感恩仔女都遗传了他的音乐细胞，「大仔成日听见我话去录音，佢有个电子琴可以录音，每朝就会自己录啲歌，再同我讲『爹哋你听吓，我都识录音㗎』，真系似样嘅，佢最劲系自己哼咗啲音，可以弹返出嚟。」他已开始跟仔女一齐创作，「个仔锺意Rap多啲，阿女就锺意唱歌，有同佢哋一齐写歌做Demo，睇吓第时会唔会卖到畀人，哈哈！」

JNY亲子活动就是玩音乐。

JNY跟太太结婚7年，育有一子一女。