CotaBoii惯性唔见银包唔敢周围呻　21岁唔大唔细想学识搵平衡丨独家

《全民造星V》攞第7的Taco（黄泓祖），去年以Rapper艺名「CotaBoii」加盟Sony 旗下「Green Music」正式出道，继年初推出《Mr. Nobody》后，最近再有新作《兜圈圈》。歌曲灵感是他觉得生活彷佛在不断兜圈，踏入21岁尴尬年龄亦令他有点进退失据，惯性唔见银包也不敢周围呻，他希望尽快搵到各方面平衡，有更多进步和成长。采访：杜杜

CotaBoii认为21岁已经大个仔，但自问内心仍是未够成熟。

去年CotaBoii参加《造星V》得第7，令知名度大增。

新歌《兜圈圈》CotaBoii继续包办曲词创作，灵感取材自生活，「每日生活好重复，好似喺度兜紧圈咁好冇新意，于是就谂到呢首歌。」他有感21岁是个尴尬年纪，任何事要开始对自己负责，但其实内心还是个大细路，「好似我成日唔见银包，寻日先啱啱唔见咗，以前我会好燥好𤷪，又会同屋企人讲，周围去呻，𠵱家要学识有耐性，冷静啲处理，大个咗要对自己负责，所以我决定咗唔够成熟，就唔用银包住，哈哈！」

CotaBoii签公司后，今年初推出出道作《Mr. Nobody》。

CotaBoii有感生活经常不断重复，因而创作《兜圈圈》。

帮人睇铺赚外快

CotaBoii在《兜圈圈》更请来「妹妹CotaSis」一齐合作，「创作呢首歌嘅时候想搵把女声，嗰时好兴AI就试吓Jam落去，发现几夹，就有咗『CotaSis』出现。」不过他笑言不会给「妹妹」出头天，下次创作未会再预她，「搵佢孭飞一首歌应该冇可能，下次未必会用佢，因为佢唔识唱歌㗎！亦都现场演绎唔到，佢喺后面支持我得啦！」他更坚拒仿效罗志祥和张敬轩，反串以「CotaSis」造型现身，「系都搵人扮就算啦！我冇偶像包袱，但系有 Rapper包袱，唔型好难做，同埋保护返佢圈外人身份，哈哈！」

CotaBoii在《兜圈圈》MV中，扮演不同职业打工仔。

CotaBoii仍未有信心开骚及出碟，希望先储更多歌及经验。

除了生活学识平衡外，CotaBoii希望在音乐创作上也可攞到平衡，「我在意制作音乐过程有冇袋到啲新嘢？！系咪真系符合我理想中画面？！我仲学紧点样喺巿场同自己想表达嘅嘢上面攞个平衡，呢个课题唔系1、2年可以领悟到。」他计划下半年再推出两首新作，但会放弃用电子音乐，「之前两首都用咗，想用返钢琴嗰啲比较原始嘅乐器，等人睇到多啲我唔同面向。」他签公司后可专心创作，空闲时间更多，竟然有意去做兼职，「我谂住去帮朋友睇铺，反正唔做嘢好闷，我好怕热又唔想周围去，睇铺可以接触多啲人，对搵灵感有帮助，仲可以顺便储钱去旅行。」

CotaBoii做兼职可以储钱，跟女友去旅行拍拖。