77岁叶丽仪亲揭签落50年版税获利几百万 凭《上海滩》成名买16层楼变「国际包租婆」丨独家

踏入乐坛55周年嘅叶丽仪(Frances)感恩遇到嘅人和事，尤其1980年凭《上海滩》一曲成名，红遍全球华人社区，仲因为签落50年版税，单系过去44年已获数百万港元。她自爆早已财富自由，最高峰喺世界各地拥有16个物业，因此近年养尊处优追求平淡舒适生活，唔会像甄妮咁评论乐坛，唯一戥日做夜做的MIRROR辛苦，因为自己也曾身不由己做过5年「工作奴隶」。采访：方骞平 摄影：罗安强 化妆：永雄  场地：The AIR (The ONE)

叶丽仪笑住否认系「富婆」。

叶丽仪早已财务自由。

凭《上海滩》成名买16层楼变「国际包租婆」，比大家想像中更有钱 。

叶丽仪𠵱家追求啲平淡舒生活，保持心态开朗健康。

叶丽仪每年稳袋两张版税支票。

77岁叶丽仪将于下月3日及4日，在湾仔新伊馆举行《感恩55周年香港演唱会2024》，感恩上天对她眷顾，令她的音乐旅程事事顺利，得到fans喜爱。Frances 1969年参加TVB《声宝之夜》歌唱比赛夺冠，个多星期后，恩师顾嘉辉邀她唱广告歌，再结识「广告界红人」黄沾变身「3人组」，有唔少好作品。

叶丽仪将于下月3日及4日，在湾仔新伊馆举行《感恩55周年香港演唱会2024》。

伦永亮出席叶丽仪个唱记招。

6年前Frances喺麦花臣场馆举行过两场个唱。

10年前曾开3场的《叶丽仪45年香港情演唱会》。

叶丽仪去年5月返港出席《十大中文金曲颁奖音乐会》。

叶丽仪曾返港演出《情牵辉黄经典演唱会》。

叶丽仪大唱《上海滩》、《万般情》和《龙虎斗》。

13年前顾嘉辉获获「终身成就奖」，周润发及叶丽仪都有到场。

锺镇涛、刘德华、叶丽仪、叶振棠、黄沾曾为「学者露芝黄沾狮子山下」演唱会演出。

叶丽仪、顾嘉辉、关菊英合作无间。

Frances跟肥姐、凌波及黄沾好老友。

每年稳袋两张支票

讲到成名曲《上海滩》，Frances表示1979年TVB敲定开拍剧集前，已钦点她唱主题曲，并由顾嘉辉按她音域度身订造：「当时冇人想像首歌可以爆红，所以真系好好彩，呢首歌带畀我多桶金，最难忘收到第一张支票银码好大，大到足够当年买一层楼，唱片公司仲问我『想唔想去瑞士收钱？』原来瑞士嘅税平啲。唔单止系咁，因为当时系EMI歌手，跨国公司传统歌曲可以收50年版税，就算𠵱家环球唱片并购咗EMI，每年我都收到两次支票，但凡出杂锦碟都有收益，加埋内地音乐下载app，咁多年大概收咗几百万，未来仲有6年钱收，所以条数好难计。」

周润发担遮为赵雅芝遮雪一幕，冧死好多女仔。

由周润发及赵雅芝主演嘅TVB经典剧《上海滩》当年爆红。

叶丽仪1980年凭《上海滩》一曲成名。

坐头等机仓去旅行

除此之外，她又自爆当年唱新加坡夜总会台金好高，每晚唱两场可获20多万坡纸，当年足够买到当地一个住所：「所以最高峰时喺星马、香港、美加、澳洲、英国等地共有16个物业，部份系独立屋，连罗文都封我做『国际收租婆』，直至近年老公重新策划最佳养老方法，最后保留6个物业，其中香港有两间，包括首置嘅半山千尺单位，𠵱家出租几万蚊，将月租用嚟填补另一所嘅杂项支出，高尔夫球会费及马会会籍都要钱啦，哈…」对于被指系富婆嘅Frances大笑说：「唔可以咁讲，我经济稳定唔使担心养老啫，其实我唔奢侈唔好名牌，唯一使得最多系买机票，平时做嘢咁辛苦去旅行一定唔会糟质自己，上机一定行去前方，冇头等就坐商务；头等仓啲嘢好食啲，座位再舒适啲，我同老公年纪咁大，伸直双脚瞓都瞓得安乐啲，睇两小时电影然后出去行个圈，之前我带埋16岁孙女出外都系坐前面…反正啲钱都带唔走㗎啦。」

年轻时Frances着deep V衫好潮。

夏韶声﹑叶丽仪系唱得之人。

当年罗文都封叶丽仪做「国际收租婆」。

双叶有唔少经典歌。

观众期望双叶合体演出。

叶丽仪有唔少好歌。

叶丽仪最近被网民在红馆捕获。

步履轻盈。

冇乜老态。

叶丽仪曾拍微电影。

24年前她雷安娜、刘雅丽、陈洁灵演出《丽花皇宫》。

唔敢评论乐坛惹是非
患过乳癌嘅Frances好注重健康，除每半年验血外，会做瑜伽、踩单车运动。至于可会退休？她坦言冇人搵就会淡出：「日日留喺屋企凑等孙，打高球好开心呀，我enjoy做家庭主妇，尤其孙仔及自己患病更减少工作。」Frances每朝只会用手机睇《星岛头条》app收集时事资讯，问到会否仿效甄妮做「乐坛风纪」？Frances即耍手说：「佢对乐坛发展会关注多一啲，我住得较远，唔算系太贴近就冇资格批评任何嘢，而且自己冇是非，只会对自己主观，而唔会同同一眼光睇任何人，𠵱家追求啲平淡舒生活，保持心态开朗健康。」Frances点名喜欢冯允谦、涂毓麟（Oscar）及王梓轩，指他们有才华，又赞MIRROR好成功，不过见镜仔日做夜做，忆起自己喺《上海滩》后做过5年「工作奴隶」：「当时把握机会乜都接，捱到贱残晒兼胃痛，个人忟到不得了。」因此她为镜仔发声：「佢哋仲要排舞呢，我都戥佢哋辛苦，话事人如果系爱锡佢哋就要有考量，咁样会耗尽好快玩完涯。」另外，她又寄语新人要建立个人歌唱风格发展才会持久。

Frances有老伴伴随身后，且有儿有孙，患脑癌孙仔状况稳定。

叶丽仪凑孙为乐。

Frances跟第一任丈夫所生的儿子、媳妇和孙女，感情十分好。

现任夫婿为叶丽仪打理财务。

叶丽仪遗憾现任丈夫未有机会做爸爸。

两公婆有足够养老金。

孙仔每星期都有专人照顾做运动。

郑文雅和叶丽仪同是高球发烧友。

Frances 喜欢打golf，生活写意。

闲时Frances和家人踩单车做运动。

Frances于《港乐50友弦乐聚》演唱会跟冯允谦及涂毓麟结缘。

Frances戥日做夜做嘅「镜仔」12子辛苦。

Frances唔敢效发甄妮咁大胆评论乐坛。