锺柔美相信同姚焯菲詹天文旅行唔嗌交　趁暑假跟同学出埠玩不欢而散丨独家

2024-07-19 08:00

锺柔美（Yumi）最近推出曲风较以往狂野的跳唱歌《Crack！》，讲打破固有框框。完成DSE她终可尽情吃喝玩乐，先后已跟同学去了两次旅行，不过竟然嗌交收场，令她上了一课，但她有信心跟好姊妹姚焯菲和詹天文就算出埠玩，可以好似筹备演唱会一样，有商有量。采访：杜杜摄影：林宾尼场地:The AIR (The ONE)

Yumi升读大学后，仍会坚持发展演艺事业。

Yumi 以往走甜美曲风路线，今次《Crack！》就希望给大家新鲜感，「首歌有打破旧有事物意思，我希望试多啲新嘢，睇吓新曲风会有啲咩唔同效果。」趁考完DSE，又未到7月20日跟姚焯菲同詹天文《音乐出没 Let\'s play together 演唱会》，她即跟同学好好享受暑假，「我已经同唔同嘅同学，去咗两次旅行，先去韩国再去台湾，嚟紧等屋企人得闲再去玩，真系畀自己好好咁放松。」

Yumi在《Crack！》MV中，尝试了多个不同造型。

Yumi在《Crack！》的舞蹈编排，跟以往亦很大分别。

MV中跟男主角的剧情，原来是Yumi借用朋友经历。

优先考虑留港升学

本来旅行尽情吃喝玩乐，理应好开心，但韩国行却发生不愉快事件令Yumi，「有同学因为拣衫问题嗌交，虽然我冇份，但系睇见佢哋咁，都会有啲唔开心，好彩好快冇事，亦都冇影响行程，不过学识咗去旅行拣伴真系好重要。」问到姚焯菲和詹天文会否是旅行好伙伴？她就好有信心话：「应该唔会嗌交，好似我哋今次倾演唱会啲嘢，都好顺利，我哋反而一齐睇到啲问题向监制提出，我都好想约佢哋去日本玩，睇吓完骚后有冇机会啦！或者去新西兰探Chantel（姚焯菲）都应该几开心。」

Yumi去韩国旅行时，试穿传统服装。

Yumi台湾游，最开心可尽情叹美食。

韩国行令Yumi最难忘就是上了一天舞蹈堂。

Yumi觉得跟姚焯菲和詹天文工作和去旅行，一样会好夹。

讲到开骚冇预炎明熹份，Yumi认为将来一定有机会，而对方的合约情况，她就不太清楚，更直言连自己合约的事亦不太了解，「我仲未成年，合约嘅嘢一直都系交畀妈咪处理，自己都系专心返学同做表演。」刚放榜的她，表明会优先考虑在香港升学，仲一定不会放弃唱歌事业，「最想留返喺香港读书，真系好锺意黐住妈咪同屋企人，同埋想继续唱歌，喺香港会方便啲，睇见Chantel咁都会几辛苦。」至于12月才满18岁的她，竟然已经睇定车等考车牌，「我真系好希望快啲考到车牌，依家睇定到时即刻就可以买。」