卢瀚霆推出夏日快歌展示强壮臂弯 冲绳拍MV狂流汗搞到湿晒
2024-07-18 00:45 
卢瀚霆(Anson Lo)新歌《Hey Hey OK!》为暑假而推出，故充满夏日欢乐气氛。Anson Lo说：「一直好想推出一首summer vibe（夏天氛围）嘅歌，一来未试过做夏日风格，二来对上几首歌都系比较暗黑，都系关于自己内心世界，或者遇上悲惨遭遇嘅情歌，所以好想出一首好开心嘅歌，为大家带来唔同感觉。」
他更特地前往阳光与海滩的冲绳拍摄MV，虽然冇泳裤LOOK，但就着背心展示强装手臂；Anson Lo亦趁机来一趟夏日快闪旅行，实行寓工作于娱乐当作度假，他开心道：「夏天令我联想起食雪糕、阳光与海滩，今次MV中亦满足晒所有我对夏天嘅expectation（期望），自己好耐未试过喺沙滩、海边玩，所以谂返起细路仔嘅时候。」MV少不了有大玩特玩的环节，他更初体验撑水上滑板，更自爆镜头前好有型玩得好开心，但镜头以外险些反艇，拍摄过程都几搞笑。至于最辛苦兼最没趣嘅就系化妆：「因为我好大汗，好多fans都帮我起咗个花名叫『流汗霆』，拍摄期间补妆补咗好多次，另外块面写住Hey Hey OK OK系花咗个几个钟雕啲字出嚟，真系好考耐性，要多谢化妆师嘅神来之笔。」
最新回应