麦紫莉公开搣甩30磅力保34G之谜「伪港产AV女优」晒18寸癫幼腰首出写真集丨独家

2024-07-15 07:00

27岁「伪港产AV女优」麦紫莉（Chili），近年成功搣甩30磅赘肉，凭34G、18、34魔鬼级动漫女身材，拍摄首本写真集《Chili Flavor》。行过唔少瘦身冤枉路的Chili，靠做健康管理营养师成功由140磅减到110磅，最难得力保34G巨胸，更由32寸腰变18寸，坦言是「努力嘅痕迹」，确实值得耀武扬威。采访：杜杜

27岁Chili花7年时间等机会，想靠出写真集证明自己决心。

Chili三围34G、18、34，她最满意马甲腰，「最初食高蛋白及大量纤维，间中食淀粉，瘦后再做带氧同练肌耐力运动，最后再加健身。」

Chili拍写真集劲性感，但拍戏就坚拒露点。

写真集玩「御姊」风格，即轻熟的姐姐feel。

Chili首本写真集《Chili Flavor》，将于书展推出。

2017年Chili宣称赴日本拍AV被踢爆讲大话，相隔7年依然好后悔，更坦认失去不少演出机会，「唔会有人想用一个冇信用，臭名远播嘅人去做嘢，所以好感激好多谢，依然愿意搵我做嘢嘅人，一直记喺心。」讲到当年她称拍AV是希望赚钱给患肾病母亲医病，追问母亲目前情况，她坚拒回应，「关于我家事，唔攞出嚟讲嘞，唔想屋企人再受影响。」对于素海霖成为香港首位AV女优，Chili未睇过对方作品，但就相当欣赏对方，「觉得佢系一个讲得出做得到，好勇敢嘅人。」

2017年，Chili接受访问时，宣称到日本拍AV。

拍戏要露点即推
Chili趁住工作量不多，疯狂读书增值，除上演技及歌唱班外，还有读一直好有兴趣的健康管理营养学及中医课程，「都有报读西班牙文、心理学，未来再去报更多课程，发掘吓自己兴趣，珍惜自己。」

2017年Chili挟着「港产AV女优」出席书展，吸引大批人围观。

以往做文职的Chili，目前担任健康管理营养师，但她强调并非减肥成功而去教人，「我唔系减肥减到变专家，最多叫做有啲经验同少少心得，真系要读同埋去考牌。」讲到今次出写真集，原来已计划了几年，但因疫情延期，「希望畀大家见到我有改变同努力，至少身形上畀大家见到先，知我有决心喺呢行发展，可以有更多工作机会。」拍写真集可以超性感，但工作绝非冇底线，「之前有套戏搵我，需要露点，虽然角色颇重要，我冇犹疑推咗，依家就算同我讲系女主角，但要露点我都唔会拍，呢个系我底线。」

2018年，Chili拍ViuTV《G-1格斗会2》时，有条32寸水桶腰。

满意18寸马甲腰
5尺8寸的Chili，为了影写真集搣甩30磅赘肉，变成110磅34G、18、34的动漫女身材，当然有试过用错地狱方法减肥，「最癫就系3日净系饮水，完咗之后嗰日每餐净系食一只烚蛋同埋加少少菜，跟住之后连续5日都净系饮水，不断循环，呢个方法系短时间落磅落得好快，但好唔健康，同埋减嘅多数系水份，一食返嘢好易反弹，千祈唔好学。」问到如何做到瘦身唔瘦胸？她认为是先天优势，「可能我系乳腺型嘅胸，曾经听医生讲，胸部有分脂肪型同乳腺型，胸部脂肪比较多，减肥会令个胸缩水。」

Chili首本写真集《Chili Flavor》，将于书展推出。

讲到最满意身体部位，竟然唔系澎湃上围，「以前最满意只手，冇乜bye bye肉，系幼嘅，依家多咗一个部位，就系腰，因为有我努力嘅痕迹，就系马甲线。」巨胸更影响她拣衫，「一直好想试偏可爱衣着，但着上去唔系嗰回事，着得松身或遮得太多肉，好容易显肥同太大只，露得太多，又有种风尘味，好难拿捏。」拒透露情史及感情状况的她，坦认惹火身材，绝对影响感情生活，「一定有遇过啲纯粹想发生性关系嘅人，佢哋唔会有呢个机会，呢类人冇机会成为我男朋友。」她又指若然有男友，出写真集会事先知会对方，「唔想佢喺其他途径上知，系最基本嘅尊重。」