李龙基哽咽心痛未婚妻：罗湖监狱有好多蚊 否认合谋作故仔拒向被骗艺人致歉 丨独家

上月19日，李龙基的36岁未婚妻王青霞（Chris）因虚假文书等五项罪名被判入狱25个月。将于本月21日举行《真情流泪基不可失》个唱的基哥，收拾心情接受《头条日报》访问，提到「罗湖监狱有好多蚊」突然哽咽，更为Chris大话冚大话解画，「可能佢想我威啲，作为李龙基身边女人要提高返啲，咁先MATCH到。」对被质疑想乾手净脚撇甩王青霞而策划「入狱事件」，基哥力斥造谣者，「𠵱家香港人变得好负面，睇人仆街最开心！」采访：方骞平 摄影：罗安强 场地：hotel icon天外天

基哥否认系情圣。

被屈系王青霞入狱幕后主脑，基哥希望大家用脑分析。

提到Chris入狱，「罗湖监狱有好多蚊」，基哥即悲从中来。

基哥重视精神协调多于性生活。

基哥唔明𠵱家香港人点解会变得咁负面。

基哥希望香港人能返回以前咁会互相帮助。

73岁的基哥为王青霞案件孭咗大笔律师费，坦言有钱搵，唔再介意演唱会用咩名义出发：「我明白嘅，主办单位借呢排新闻招徕，最重要吸引到观众入场，原来啲人唔知我会唱歌，𠵱家反而多咗新Fans，包括惩敎署职员，所以世事冇绝对，唔好睇得咁负面，呢段时间经历咗咁多事，我同『老婆』真系睇开咗好多。」近数月，基哥和何伯成为「花生友至爱」，基哥表示：「我唔想因为咁(王青霞事件)令自己咁红，咁红冇意思，只想用歌感动人。」基哥唔介意俾何伯抢风头，更感同身受：「人与人之间感情冇得解释，两个人嘅事外间唔会知。」结过两次婚，交过多个女友的基哥向在狱中的Chris许下爱的承诺：「就算仲有诱惑，但心底尽量做到保证，呢个系我最后嘅女人。」

本月21日基哥在麦花臣场馆举行《真情流泪基不可失》个唱。

基哥刚完成澳门《女继续追》个唱。

近日接受媒体访问。

推出新歌《云淡风清》。

做麦明诗及盛劲为围村婚宴表演嘉宾。

基哥唔介意畀何生及何太抢风头。

近数月，基哥和何伯成为「花生友至爱」。

觉得Chris会做返好人
经此一役，基哥坦认Chris有向他道歉唔够坦白，他有信心Chris会懂得反省，做返个好人，「以前佢后生谂唔通钻牛角尖，可能佢想我威啲，作为李龙基身边女人要提高返啲，咁先可以MATCH得到，而我真系好爱呢个女人，被爱情蒙蔽会绝对信佢，亦都宠坏咗佢，我心态系『唔影响咁大，冇伤害到别人就由佢，提升自己冇嘢喎』，不过，若然我再清醒啲，唔会有呢啲嘢发生，甄妮评论我『扮猪食老虎』，我承认我真系猪，系LuLu。」基哥曾公开讲过坐过Chris揸嘅飞机，又赞过对方画功有艺术天份及出身富贵！基哥唔认合谋「讲故事」：「我绝对冇讲大话，2018年喺美国时，我坐住佢揸嘅组装直升机，喺佢公司上空好短途咁飞咗一圈，当时唔知佢冇牌㗎，其实揸直升机好简单，以前学过都有概念，尤其美国好儿嬉；至于画画，佢第一幅画畀我嘅画，我觉得佢系有天份，打后嘅临摹淘宝画作，我唔理佢啦。」问到被揭发偷图又如何？基哥即无言以对：「𠵱家我知道咗，若然系真就过份咗，但案件尘埃落定，不再深究。」

李龙基尽量希望Chris系佢最后一个女人。

Chris大话冚大话。

基哥有信心Chris会懂得反省，做返个好人。

Chris自觉作为李龙基身边女人要提高返啲，咁先可以MATCH得到。

李龙基认被爱情蒙蔽会绝对信Chris。

Chris故事编嘅故事越吹越大，令基哥好头痕。

基哥坚称坐过Chris驾驶的直升机。

似模似样咁款。

2018年喺美国时，基哥话坐住王青霞揸嘅组装直升机。

甄妮狠批基哥。

甄妮不留馀地斥基哥扮猪食老虎。

问到会否向所有被骗艺人致歉？基哥包容说：「无需要，佢做过啲乜大家已经好清楚，已受到应有惩罚，乜都还晒，无需要受2次伤害。以一个娇生惯养嘅女仔嚟讲，政府罚得佢好重，而且每个人都有过去。」基哥忍唔住哽咽：「每次谂起佢喺入面好心痛，罗湖监狱有好多蚊，佢要坐到明年7月7日…」追问点解决呢年性需要？基哥哎呀一声说：「冇所谓啦又唔系20几岁咁渴求，我最大兴趣系玩模型飞机，玩飞机一样得。」

Chris涉使用虚假的航空院校毕业证书，申请入境处内地优才计划。

虚报学历。

王青霞嘅假证书。

偷图。

扮懂画油画。

唔少艺人收过Chris扮自己画的淘宝画作。

送临摹淘宝画作畀罗家英。

阿伦都收过画作。

送画畀林夏薇。

贺马明做视帝。

Chris曾送过T字名牌冇出过嘅筷子畀林淑敏。

林淑敏赞靓。

𠱁得大小姐好欢喜。

 

讹称系飞机工程师。

图为基哥设计及安装的模型飞机「太极」。

呢只机叫做(L 39）。

冇性生活好彩有佢哋。。

慨叹香港人变得好负面

另外，基哥最不忿被指系「幕后黑手」，举报Chris：「唔明佢哋点解会咁谂，我为咗呢个女人净身出户，将8层楼连2个车位(最新)畀晒前妻(第2任妻子)，我对钱好冷漠，作『故事』嘅人可以做编剧…」他又慨叹香港人变得好负面：「睇人仆街最开心，呢个氛围最唔好！𠵱家网上媒体为刷流量锺意讲乜就讲乜嚟伤害人；传统媒体都应该要隐恶扬善，社会才美好。」基哥以1967年木屋屋顶俾超强台风温黛吹走，由父辈朋友筹钱重建作例子。「人与人之间要互相帮助，𠵱家啲人只会剥花生挖人阴暗面，话我日头见Chris入狱就喊苦喊忽，夜晚笑晒口去叶子楣生日会，其实系朋友狂打3次电话叫我去解闷。」他形容心脏已变得强大，所谓「一犬吠影百犬吠声」，唔使理会，他坚称唔会改变做嘢态度：「如果因为Chris影响到对我嘅睇法，系你眼光唔好。」

Chris入狱，基哥有唔少大妈fans埋身。

基哥自认眼浅系喊包。

王青霞判刑当天，李龙基离开法院后，一度表示不受访。

Chris被判刑当晚，基哥被朋友强烈邀请去叶子楣生日会。

基哥将7层楼及2个车位畀晒第2任妻子(左1) 。

基哥早年拍过爱情动作片。

龙基忍不住对蔡美兰「开战」。

李龙基早年拍过《都市方程式》。

因多次演出皇帝角色，李龙基有「御用皇帝」之称。

杨玉梅早前在IG上载一班资深艺人的合照，同场有李龙基、韩马利、杜燕歌、谭少英及黄淑仪等。