吴若希夫妇「公审」事件逐件睇！曾火烧老公前度赠颈巾 公开嘲对方无能：佢好锺意俾我闹！
2024-07-09 22:00 
吴若希与老公何兆鸿结婚近7年，育有女儿Giselle与儿子「搏啜」。向来活跃社交网的吴若希，不时在社交平台「公审」丈夫「恶行」公开耍花枪，亦因此被网民封为「恶妻」。今日（9日）吴若希再在IG大爆老公「出轨」，不过，她以往多以嘲讽方式暗寸老公，今日却字正严词指，丈夫以「签MPF文件」为名向公司女员工献殷勤，怀疑丈夫出轨！其实吴若希结婚7年，已先后多次在社交网「公审」老公，内容包括掟烂嘢、烧颈巾、寸爆丈夫「无能」等。
相关阅读︰吴若希爆老公殷勤接送女员工 贴文公审：趷起条尾就知你做咩啦
吴若希何兆鸿结婚7年「公审」事件逐件睇：
吴若希寸老公吸烟 唔用嘴唇交流
其实吴若希素有「恶妻」、「世界级港女」之称，以另类方式御夫。今年1月，她到铜锣湾宣传新剧《旁观者》，直认不让丈夫亲嘴：「我哋交流唔用嘴唇，我哋唔系锡而系用心灵交流。因为佢吸烟所以唔同佢用嘴唇交流，日后戒烟，我再用嘴唇奖励佢！」
另外，何兆鸿在1月31日于IG写道：「我生日，我老婆送咗两本书给我……」自己38岁生日，撞正老婆开工，吴若希竟送两本炮轰另一半的书籍《无能老公图鉴》和《老公怎么还不去死》作生日礼物。
吴若希怒烧老公前度送赠颈巾
再回带到去年10月，吴若希在网台节目《丝打围炉》上称，试过因为老公沉迷打机而掟烂电脑，更加烧掉前度送他的颈巾：「佢去打机时，我发现咗有呢条颈巾，佢冇同我讲有呢一位前度，又死口唔认，我咪放火烧咗佢条颈巾！」
吴若希称，结婚初期，丈夫与闺密不避嫌而令她怒火中烧！「我老公会将我哋拍拖啲嘢同佢闺密share，又成日一齐饮酒，到我个女百日宴，我老公都有邀请佢闺密过嚟，闺密喎！闺密喎！闺密系乌『龟』定系喺屋企个『归』呀？」续指︰「最介意呢啲EX，唔避嫌，又唔当住我面前出现？真系奇怪！」
同时自爆如何「惩罚」老公：「我好锺意离家出走，我锺意抱住个女离家出走，我会一声不响咁走，呢样先代表你真系嬲！平时好锁碎嘅都直接闹，闹完就冇事，大件事就会直接走！我谂个女出世到而家，离家出走咗两次！其实只要唔系佢死口唔认错，就唔会有呢啲嘢发生。」
吴若希丈夫何兆鸿家底雄厚
其实吴若希丈夫何兆鸿一直被指家底雄厚，在澳门从事洋酒代理、创办团购网，还入股某品牌眼镜生意。吴若希自从签约星梦娱乐后，跟胡鸿钧、许廷铿、周志文等人曾传出绯闻。2016年7月上旬，爆出吴若希与澳门阔少何兆鸿挽手蜜游泰国。至同月4日，女方索性在facebook放闪，上载情侣装合照并留言：「何生，你几时同我求婚？」第一次公开恋情。当时，二人不避嫌在IG放闪。恋情公开后不久，吴若希在同年9月19日于IG承认分手，一个月后复合。同年11月，吴若希怀孕三个月，并打算在女儿出生后结婚。
2017年全面停工安胎，4月诞下女儿。同年10月10日与何兆鸿签字结婚。女方接受访问时称，10月10日有「十全十美」之意。2020年11月再诞下儿子。
吴若希与丈夫现身真人骚 依旧寸爆嘴
去年9月，TVB播出真人骚《爸知弊！你嚟凑吖！》，吴若希、何兆鸿任嘉宾，带埋细仔「搏啜」亮相，女方在节目中力数老公「冇手尾、污糟邋遢」，同时直斥他是「虚伪老豆」。当时何兆鸿称太太Jinny最讨厌他驳嘴：「呢样嘢其实我知嘅，你团火升紧，你好难唔讲一句，但我驳嘴系会令件事去到最严重。」
吴若希曾笑言大部分时间都是单向骂老公，又曾指「老公系『博闹』！我老公好锺意畀我闹，佢有阵时冇嘢搵嘢嚟做，鬼崇走埋嚟，博闹两句就走返出去。到后尾佢发现，老婆唔闹我嘅？闹少咗之后佢存在感好低！」
相关阅读：
吴若希老公疑偷食继续嬲爆疯狂单打 借肌肉小生过桥：想车契仔返工
最新回应