专栏│期望西荷会师决赛

欧国杯4强组合已经出炉喇！西班牙恶斗法国、荷兰大战英格兰，唔知大家估中咗几多队呢？

老实讲，呢两晚嘅8强赛事都认真几恶顶㗎！4场比赛，有三场都要踢足120分钟，两场「全餐」射埋12码，只得一场系可以喺90分钟内分出胜负，对球迷嘅精神同体力都系一大考验。

而响呢4队入面，你又认为边个会系冠军呢？我就梗系继续支持爱队西班牙啦！西班牙系分组赛唯一一支3战全胜嘅球队，淘汰格鲁吉亚以及德国都有展现出应有嘅实力。唯一担心就真系几位球员嘅伤停问题啦。不过只要拉明耶马同尼高拉斯威廉斯依然在阵中，狂牛仍可保持两边快放嘅节奏，面对90分钟内唔识用生波取得入球嘅法国，依然占有一定优势。

至于另一场4强，睇完英格兰点样闷赢瑞士之后，个人真系唔希望再睇多英格兰多1分钟。寄望荷兰可以喺法定时间内搞掂英格兰，杀入决赛。同西班牙合演2010年世界杯决赛翻版啦。Vicki 赵小姐