《巴黎深渊》笑出声灾难惊栗片丨头条戏场

讨论区个个插Netflix电影《巴黎深渊》，又话废又话唔惊又话无聊，啲「智者」系咁话鲨鱼点可能喺塞纳河生活，片中专家都有解释，系有咁嘅可能，睇戏吓吓要好真实，建议你睇纪录片啦，睇咩戏啫。讲返套戏，我又觉得几好睇，被吓咗几嘢，有紧张位有低能位有抵死位又有笑位，作为一套灾难惊栗片唔算好出色，但娱乐性好丰富，会大声笑又会出声闹，用嚟打发时间，几好吖。(已上架) 撰文:廖思慧

在太平洋垃圾带附近，海洋研究员Sophia跟一条尖吻鲭鲨莉莉丝相遇。

Sophia及环保人士 Mika(右)，前者险被后者害死。

电影故事设定在巴黎首次举办的世界三项铁人锦标赛期间，一条巨大鲨鱼出现在塞纳河所引发的事件。点解鲨鱼会出现喺塞纳河？ 时间回到3年前，海洋研究员Sophia(Bérénice Bejo饰)同佢老公，一直有研究一条尖吻鲭鲨莉莉丝，落晒追踪器方便追踪，一次意外，Sophia老公同团队被莉莉丝咬死，女方伤心到爆决定退隐在水族馆工作。有一日，环保人士Mika话畀Sophia知，莉莉丝嘅追踪标签仍然活跃，更从太平洋游到去塞纳河，似乎被困巴黎，而铁人赛就快举行，心都寒埋。

Sophia发现莉莉丝啲家族鲨鱼可以无性繁殖，惨嘞。

发现塞纳河有袭击人类嘅鲨鱼，巴黎警察会潜落水睇吓，好好笑。

市长唔理市民死活，最紧要搞好三项铁人赛。

蠢爆人类被鲨鱼严重玩弄
之后Sophia及环保人士跟警察指挥官Adil联手，想将鲨鱼赶出塞纳河，睇到呢度，系咪已经觉得好好笑？Netflix以6个字介绍呢套戏，就系不祥、吓人、悬疑，我就简单三个字讲完，超讽刺，全片最好睇激进环保份子同官僚一步步将件事越搞越大件事，总之以上人士嘅行为睇到你越不爽，尾段见到佢哋自食其果就越快乐，开放式结局完全估佢唔到，想睇续集喎。

三项铁人赛如常举行，最开心系啲鲨鱼。

一大群鲨鱼可以吃到饱。

铁人赛开始无耐已经有大量运动员被鲨鱼袭击。

开放式结局好精彩，导演谂嘢都几黐线。

将塞纳河搞到血流成河就梗系要靠绿幕啦。