前儿童节目主持邱晴上围巨变否认整容：成个人纯天然 处女写真撞样「神之乳」AV女优讲多谢丨独家
2024-07-05 07:00 
有「嫩版李珊珊」之称的24岁邱晴（Mandy），将推出处女写真集《晴之初》，以男友带好身材女友去温泉做主题，全书128页，唔系泳衣就系内衣。日前流出部份三点式写真相，被网民指好有AV封面feel，更指她撞样巨乳AV女优安斋拉拉，她不介意之馀更认为是另类支持，但就提醒网民，「千祈唔好乱key我个样！哈哈！」另外，被指上围超澎拜跟2017年选美时差太远，Mandy就强调全身纯天然。采访：杜杜
Mandy参选2017年港姐，仅差1票无缘入5强，不过夺得当届独有的《big big channel落选香港小姐竞选》冠军，之后加入TVB至2021年离巢，当中主持儿童节目《Think Big天地》及《Big Big小明星》最受巴打欢迎。问到身为前儿童节目主持人，拍写真集会否有包袱？豁出去的Mandy完全唔惊，「想试吓唔同类型嘅工作，本写真集我参与度好高，由拣衫到拍摄题材至眼神呈现，最主要以健康青春出发，唔会有太大顾虑。」
求网民咪乱Key样
写真集日前流出三点式眼镜娘造型，被巴打赞赏有AV封面feel，晚间自用一流，Mandy完全唔介意，「其实预咗有人会咁讲，当初倾呢个造型都觉得几似，系我接受程度嘅范围，同埋都有啲玩味成份，觉得几好。」提到连登仔赞她越大越正，跟有「神之乳」称号的AV女优安斋拉拉撞样，她答得搞笑：「首先多谢网民赞赏，得到佢哋关注同留言，呢个系另类嘅支持，但都希望网民们高抬贵手，千祈唔好乱key我个样呀！唔该！哈哈！」
Mandy被指身材劲过当年选美，她认为只是泳衣款式和拍摄角度问题，好满意目前身材的她觉得线条仲有进步空间，「近期好锺意做运动，唔会刻意减肥或节食，怕会唔开心同有压力，又会冇营养，食多啲嘢，做多啲运动，身材一定会OK。」对于被质疑隆胸，她就强烈否认，「真系冇去整，成个人都系纯天然。」Mandy最羡慕Johnny Depp前妻Amber Heard的身材，「佢真系超索，身材比例超级完美，有前有后。」
最怕闷男咪搞我
写真集sell「超GFable女友温泉旅行初体验」，拍拖经验一只手数得晒的Mandy，形容自己是个百变型的女朋友，「有时好似人妻咁，煮吓嘢食畀另一半，或者帮佢做吓家头细务，另一方面又会耍吓废，好似个BB咁叹喺梳化，有杯雪糕都想另一半喂我食，擘大口啲雪糕就会放入去，撒吓娇罗！」拒透露感情状况的她唔担心影写真集会激嬲另一半（如果有），「入面啲相咁靓，咁青春咁可爱，做男朋友嘅就一定要支持啦！一定唔会介意，如果会介意都应该唔会做我男朋友！」
对于拣男朋友要求，Mandy认为心地好会优先考虑，「同理心比较低嘅人一定唔会拣，我锺意啲有爱心嘅人，其次个人好闷都一定唔会拣，我锺意玩，好开心，咩都锺意试，如果个男仔好闷，打机都冇特别反应，闷到咁点同佢相处呀？！我要同funny嘅人倾偈，咁先相处到。」至于男仔的加分举动，够细心就最冧，「会记低我喜怒哀乐，锺意或者唔锺意嘅嘢，大家都咁忙，一个人有心去记住你嘅嘢都几sweet，同埋唔系做一、两次𠱁我开心，会一直咁做，呢个男人好有心！」
最新回应