专栏｜要俾个Like兰历克

今年最惊喜球队，我绝对会选择奥地利，3场小组赛表现绝对唔失礼，小负法国，之后先赢波兰再赢荷兰，可以话惊喜十足。

佢哋人脚唔系好强，好多德甲二线兵，平时少睇德甲嘅朋友，可能会认得沙比萨、干拉特赖马、或者坏孩子前锋阿拿奥杜域。不过在我Will仔眼中教练兰历克系逼抢教父，因为佢哋冇话边个系真正嘅核心，阵容充满工兵，全部快上快落，只要执行到兰Sir嘅十上十落，每个都系好球员，将一队B级球队提升一个Grade就系佢嘅功力。

兰Sir每场大幅度调动，从而可以保持球队嘅体能，愿意尝试每一位球员，例如阵中有球员系联赛嘅表现唔系太好，例如柏德列温马同尼古拉斯施华特等，但返到国家队可以话系完全唔同嘅球员，好似施华特有两场都系最多成功拦截嘅球员，而同时佢都系可以Create chance球员，净系对波兰已经创造咗4个。

呢个就系兰Sir特色，每一个球员都系6边形战士，破坏对手节奏嘅同时，用高速嘅跑动弥补球员自身不足，可以话踼法速率都系好快，做到佢理想嘅足球节奏，所以呢队奥地利系今届赛事货真价实嘅黑马。Willhappy