专栏｜周三晚捧捷克W简单直接

刚刚呢个周末，小妹做咗YouTube《猜波台》睇波活动嘅座上客，除咗一齐见证格鲁吉亚取得欧国杯决赛周史上第1分之外，最重要系活动气氛非常好。希望《猜波台》以后多搞睇波派对，大家亦多多支持啦！

睇波派对上，见到捷克狂攻格鲁吉亚，仍然只能和1:1，最后一轮要同土耳其正面交锋，必须全取3分先可以直接出线；土耳其喺首两战表现并非特别亮丽，第一轮赢格鲁吉亚有侥幸成分，对住劲旅葡萄牙更以0:3大败，估计难以抵挡决心争胜、预计会主动进攻嘅捷克，呢场周四凌晨3时上演嘅赛事，投注上我会简简单单选择捷克主胜。

另一边厢，出线形势最混乱莫过于E组，4队各赢1场同得3分。因此周四凌晨零时上演嘅乌克兰对比利时、斯洛伐克对罗马尼亚，都会系对攻生死决斗，不妨将两场串埋入球大过关。Vicki赵小姐