Sica 邓家杰度埋舞台剧内容再玩《造星》 《Di-Dar音乐剧场》跟杜曦骏大搞三角恋丨独家

何洛瑶（Sica）、邓家杰（Kakit）和杜曦骏（Larry）将于8月首次合作演出舞台剧《Di-Dar音乐剧场》，除大搞三角恋，还会组队参加《全民造星》，他们都大呼好玩又有挑战。采访：杜杜 摄影：Stanley 造型: Yee Li@Soul Meen、Doro Lee 发型:Jo Lam、Abby Ho&Geminie@Salon Trinity 化妆:Manman、Sapphire Shen、Kae Li 服装:Issey　Miyake、SANDRO、i.t、Rickyy Wong Studio、Charles&Keith、PEDRO、SOLO HK、eillop 场地:涌景Vibe Studio

剧中Larry锺意Sica，但Sica却爱Kakit，大搞三角关系。

剧中Larry锺意Sica，但Sica却爱Kakit，大搞三角关系。

2021年，Sica甫完成《造星IV》便首度参演风车草剧团的舞台剧《通菜街丧尸战》（加料版），相隔3年再跟剧团合作，她相当期待，「上次有啲到喉唔到肺因为得1场，又好似张白纸咁咩都唔识好惊青，想讲嘅嘢唔敢讲，今次会大胆啲一齐去撞吓。」剧中她跟《造星》导师梁祖尧再续「父女缘」，演一个有性格又有理想的少女，「阿祖系做打斋，嗰行嫌女仔污糟唔畀做，我就好想打破传统，咩法术嘅嘢都去学，系个好硬正好型嘅角色。」

Sica访问前一晚左眼被蚊咬致眼肿，唯有变「独眼龙」现身。

Sica访问前一晚左眼被蚊咬致眼肿，唯有变「独眼龙」现身。

Kakit为斯文角色努力减磅，「想瘦啲冇咁多肌肉。」

Kakit为斯文角色努力减磅，「想瘦啲冇咁多肌肉。」

剧中Larry要首次挑战唱歌，「好担心，要搵老师恶补。」

剧中Larry要首次挑战唱歌，「好担心，要搵老师恶补。」

期待剧中再战《造星》

老友鬼鬼，经常一齐拍跳舞片的Kakit和Larry，今次首度合作演出兼编舞。剧中两人表面好Friend，但齐对Sica有感情，内心好矛盾。Kakit说：「我个角色系斯文内敛，佢就妒忌我外形，但我就羡慕佢咁努力去追梦，我系个成日自我怀疑，收埋好多嘢喺心入面，唔讲出嚟，觉得冇人会明。」平时讲嘢都唔多大声的Larry，要挑战火爆角色，「角色真系同我反差好大，因为见到Kakit个外形会好自卑，我锺意嘅Sica又锺意佢，所以会好妒忌唔开心，好忟憎好嬲自己。」

《Di-Dar音乐剧场》将于8月演出。

Sica和Larry早在舞台剧《通菜街丧尸战》（加料版）跟梁祖尧合作。

Sica和Kakit分别参加《造星IV》和《造星V》入行，剧中他们会联同Larry组队参加《造星》，三人都觉得好有趣。Kakit说：「好神奇又参加过，当日系孤身作战，𠵱家有死党一齐，仲要有三角关系，参赛内容系阿祖畀我哋嘅功课，要我哋一齐度，应该会做啲好独特嘅嘢，好期待。」

Kakit期待在音乐剧中，可以再参加《造星》的机会。