专栏｜上《猜波台》直播陪读者睇好波

2024-06-17 07:00

各位读者好，小妹Vicki已经离开电视台有一段日子，好开心喺欧国杯赛期可以转条跑道，喺《星岛》平台再同大家见面，嚟紧礼拜二土耳其对格鲁吉亚同礼拜四斯洛文尼亚对塞尔维亚呢两场比赛，我都会现身Youtube《猜波台》直播，大家记得支持收睇啊！

分组赛第一轮当中，小妹嘅焦点系今晚E组比利时对斯洛伐克。虽然比利时嘅黄金一代逐渐褪色，但自从泰迪斯高执起教鞭后，用兵、排阵都有新景象，对阵实力较弱嘅队伍往往能够零封取胜。而斯洛伐克锋线唔够锐利，后防亦未见稳健，近期面对强队都系输波而回，今场对住攻力强劲嘅比利时，睇怕都系凶多吉少，让球让一球/球半，「主胜」可取。

另外，当然唔少得我爱队西班牙大战卫冕嘅意大利啦，呢场波周五凌晨就有得睇嘞！

西班牙首轮对住克罗地亚，原本以为系硬仗一场，但上半场已经狂风扫落叶锁定3:0胜局，表现对办。相反意大利首轮对鱼腩阿尔巴尼亚，早早喺23秒就意外失波，虽然最终「反吸」赢波，但整体表现较西班牙失色。今轮两队正面交锋，相信我爱队西班牙能够全取3分，提早出线16强。Vicki赵小姐

-----

由即日起至6月20日，只要参加「市民对特区政府满意度调查」问卷，即有机会赢取Panasonic护发风筒、Casetify充电器、大家乐$50餐饮券等丰富礼品。即点击 https://bit.ly/4csd4qL

紧贴最新最快新闻资讯，请立即下载星岛头条App：https://bit.ly/3Q29Vow