车婉婉死过翻生自揭疮疤3度啜泣含泪感谢大恩人曾志伟从谷底拯救丨独家

2024-06-11 07:00

50岁车婉婉出身自92年第11届《新秀》，近年凭主持两辑《中年好声音》咸鱼大翻生。入行32年，婉婉自称一直好霉，讲到辛酸史更悲从中来，3度落泪。向来强势的她自爆2007年母亲车绮芬离世后，因为烂声唱唔到歌，亡母的心血酒楼又管理不善，欠落大堆街数，自己积蓄亦见底，人生跌落谷低！幸得大恩人曾志伟出手营救，畀机会她做《中音》主持，展开奇妙的人生下半场。采访：方骞平摄影：罗安强发型：YoYo Hui 化妆：Meegan Seak 服装：PortsPURE

车婉婉自称一直好霉。

婉婉曾跌落人生谷低。

婉婉曾经冇咗把靓声又冇晒钱，人生跌落谷底，3度落泪。

车婉婉含泪自揭入行32年嘅坎坷往事。

车婉婉悲从中来。

车婉婉3度落泪。

车婉婉主持《中音》后知名度大增，去年仲客串TVB台庆剧《新闻女王》，演霸气前台柱主播「华姐」，赢尽好评，今年又首度开个人音乐会及跟「中一生」有登台机会。她坦言𠵱家搵钱升幅系百份百，是入行以来最顺境的时间。

主持《中音》系列令婉婉咸鱼翻生，唤起观众记忆。

车婉婉主持《中音》后知名度大增。

𠵱家婉婉好受欢迎。

佛山登台狂收利是。

仲晒长腿。

台庆剧《新闻女王》演霸气前台柱主播获赞好演技。

和「中一生」颜志恒去佛山登台搵真银。

儿子到后台打气。

去年客串TVB台庆剧《新闻女王》，演霸气前台柱主播。

车婉婉多咗好多演出机㑹。

婉婉会用心去听及用感性角度去了解参赛者。

车婉婉经常唱到爆喊。

主持《中音》系列识咗好多新朋友。

和《中音》评判好投契。

婉婉有独特主持风格。

同参赛者打成一片。

车婉婉能够「咸鱼翻生」，全靠曾志伟钦点她做《中年好声音》主持：「我17岁出道就跟住佢去做扶贫及帮明星足球队筹款，记得有日志伟打嚟问『鲩鱼(花名)，你好多嘢拍咩？』我答麻麻啦，佢就秒回『咁得喇，有个综艺节目搵你做，听日返去同你度期。』完成两季节目后传短讯多谢佢，做人要饮水思源。」婉婉讲到眼有泪光：「处女主持综艺节目，有包袱及压力，第一日录影志伟都有嚟监场，我都惊做得唔好下季冇份嘛。」

曾志伟系婉婉大恩人。

曾跟曾志伟一齐录影谢霆锋的《12道锋味》。

Sammi介绍医生救声带
1992年入行的车婉婉坦言一直好霉：「你估拍剧好多钱咩？电影几年先拍得一部，每次得嗰3、5组戏，条数根本计唔到，系呢？连自己都唔知呢32年系点过？阿妈在生咪用阿妈啲钱；阿妈唔喺度唯有搵少少钱，见一日行一日罗。』」婉婉自细由阿妈带大，妈妈离世后冇晒方向，甚至迷失到陷入抑郁状态，终日挂住食烟饮酒，声都烂埋唱唔到歌，不幸中大幸获另一位恩人俞琤收留，安排她拍住林晓峰主持商台节目，一做7年，总算有稳定收入：「但唱歌系我最爱，用嚟抒发情感，当时真系觉得唱歌放弃咗我，上天叫我要收档喇，就算gathering时，朋友拎枝咪埋嚟我都好抗拒咁推开，真系好唔开心，打后10几年再冇人搵我做唱歌show，开演唱会更加系发梦！郑秀文知我好唔开心，介绍一位喺美国中部嘅专科名医畀我，因为医药费太贵，加上冇人冇物，最后睇港大一位教授，中西合璧治疗，近年又唱得返歌。」

车婉婉好怀念在天国嘅妈妈。

车婉婉和母亲车绮芬及胞弟感情好好。

守唔住亡母生前经营嘅酒楼，车婉婉百感交集。

跟陈奕迅相识于微时。

曾失声唱唔到歌。

Sammi好关心婉婉。

车婉婉1992年参加新秀大赛。

今年初举行处女音乐会，邀得许志安做嘉宾。

新秀战友Sammi好关心车婉婉。

郑秀文好撑车婉婉。

做艺人真系咪做生意
讲到人生中最难受的事，婉婉坦言是守唔住亡母生前经营的酒楼，于2019年的母亲节倒闭，她哭著说：「呢间嘢系妈妈留畀我，佢走咗我要勉强接手，但饮食生意真系好难做，唔系一个普通人识得做，真系冇晒办法，嗰几年嘅利润点都追唔到要交几百万租金，我喺疫情前忍痛结业算系执身彩(蚀咗几多？)唔好讲！唔识计！唔想计…仲因为太单纯信错人搞到一身蚁，所有钱冇晒，从呢件事体会到，艺人系唔应该做生意。」当时婉婉一无所有，儿子BBQ又出世，只能开源节流养家及主动搲捞：「我觉得自己讲嘢OK，好想畀人睇到我做综艺主持系得嘅，试过『打大佬』敲综艺组高层嘅门话好想做，但都无功而回。」自己冇嘢做，老公于疫情期间又教唔到游水。「我好抑郁，要打多份工做理财顾问增加收入，做人真系好困难，所以见到参赛者喺舞台上分享人生经历，我会用心去听及用感性角度去了解，特别系屋企人离世。感恩喺变态路程有经理人陪伴，喺佢身上学到好多嘢。」语毕，婉婉又再落泪。另外，对于向展鹏跟她道歉，婉婉笑说：「又唔使道歉，自己真系寸过佢会心虚，我点会窒我啲『屋企人』啫？唔紧要，下次一齐饮过。」