张松枝 泰臣 罗云龙围埋讲爆笑男人经 首搞网台《男团澡堂》求开心非为赚钱丨独家

张松枝、泰臣和罗云龙（龙师傅）有见近年兴起拍网片，即一脚踢自制网台节目《男团澡堂》，公开3条麻甩佬平时坐埋吹水，大讲男人经的爆笑对话。他们搞节目志在开心不求赚钱，所以形式好随意，仲有机会出埋歌拍埋MV，一于玩尽佢。采访：杜杜

松枝、泰臣和龙师傅为节目变得八卦，「要搵题材，多咗留意身边事物。」

松枝、泰臣和龙师傅为节目变得八卦，「要搵题材，多咗留意身边事物。」

松枝、泰臣和龙师傅为节目变得八卦，「要搵题材，多咗留意身边事物。」

因松枝本身开始拍网片，不如搵埋两个兄弟一齐搞个节目，「有时谂唔到拍乜，夹埋拍可能火花会好啲，反正我哋成日坐埋吹水，索性拍节目睇吓反应点罗！」泰臣想过自制网上节目，但1个人好难搞，加埋龙师傅亦变化不大，但有埋松枝就好唔同，「我哋有唔同范畴，唔同经历，似坐喺大排档吹水，讲吓自己或人哋嘢都得，感觉得喎！」龙师傅觉得节目啱晒佢，「熟我知我系口水佬，仲可以喺前辈身上学嘢。」

松枝希望拍外景，首个目标在大排档拍摄。

泰臣不介意做埋幕后，「当畀机会自己学多啲嘢。」

做惯玄学节目的龙师傅，首做清谈节目觉得好好玩。

改名澡堂贪够赤裸

节目名为《男团澡堂》，龙师傅就解释澡堂是比较特别的地方，「男子澡堂正常得男人冇女人，咁咪可以讲好多男人嘢，好似几赤裸，个澡字又有3个口。」问作为师傅的他，有冇算过个名好唔好？他说：「大家话好就一定好啦！」泰臣笑言未得闲去澡堂住，「因为我哋先做咗男团先。（出首快歌排埋舞？）可以拍埋MV，应该几搞笑。」

《男团澡堂》自3月开播，每周上架新集数。

拍摄前3人只需要度题目，「大家够默契之后照吹就得。」

3人认为节目形式好弹性，因心态似玩。泰臣说：「我哋本身真系无一物去砌出嚟，唔需要太有框架，如果唔系玩就会有压力，唔想有压力，最紧要随心。」松枝补充，「最紧要我哋唔系赚钱，我哋等人收购，哈哈！」问是否欢迎电视台邀请变成电视版？松枝强调，「唔好话邀请，最紧要有Budget先，我哋一定要质素好，唔好谂住畀两嚿水我就拍半个钟，我哋唔系咁得闲，我哋好忙㗎！」

3人认为拍摄时除了多几个镜头，同平时吹水冇分别。

泰臣安排拍摄外，还负责剪接和后期制作。

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

 

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/